Piyeküsü 3:7 - Sumi Naga CL (Re-edited) Bible (BSI)

⁷ “Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

BAIBEL (BSI)

⁷ “Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Sümi Tiqhelimi Bible

⁷ “Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Piyeküsü 3:7 Iomraidhean Croise

JOB 11:10

Pa no xuju ighi no khuana akughu shive eno küghaki lo kusü namu khuu no Pa hakha kulupu kea?

JOB 12:14

Pa no xaqhive aye khunomu shiqhekithe mlae; Pa no khuana akughu shive aye khunomu khaqhiphe mlae.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

LESHELE 16:10

Kughengu No ye I ngulho pesü Kithighau qhitsümo nani, momu Ow timi pelo shiküpsa ithulu pemo nani.

LESHELE 89:18

Kughengu No ye pano juküvü eno akumto ke, eno O kikimiye vecheo Nono ningu kibo süqhe tsüe.

ISAIAH 22:22

I no David laghamiw khaqhiyi pesü pa kuo lo betsü nani. Pa no khaqhi kelo khunomu khavemla, eno khave kelo khunomu khaqhimla nani.

ISAIAH 30:11

alaghi lono ithauvelo, Israelmiw Akimtheu ghili ni vilo pi kevilo.”

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 47:4

Ni Xachilekuluu, aqokitikhi Mpeu no Israel Lhou Akimtheu ke.

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 55:5

Julo, itehi nongu no mtha kemi shiye kupuwu nani; eno shiye nongu mtha kemi no nongu lau po ighi nani, kughengu Ampeu nongu Lhou, Akimtheu Israel Lhou no nongu pesü ajekipipu shive tsüke.”

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

MATTHEW 16:19

I no kungugha yekipe khaqhiyi o tsüni, eno ayeghi lo nono kiu kiumu lakhave keu ye kungugha lo ghi lakhaveni; ayeghi lo nono kiu kiumu kuqhove keu ye kungugha lo ghi kuqhoveni.”

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Luke 1:32

Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani,

Luke 4:34

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

Apostolmi 3:14

Nongu no Akimtheu eno Amikuchou milive no ghikiqhimiu kuqhophe tsülopi khuluve.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”