Piyeküsü 3:4 - Sumi Naga CL (Re-edited) Bible (BSI)

⁴ Tishimu no ye tilau Sardis lo timi aghuloshi khunono aphimini shikitiqe mphi keno khami aphie. Panoqo ye aküzüpu ke ghenguno aphimini kimiye pepusü I gholo cheche nani.

BAIBEL (BSI)

⁴ Ikemu tilau Sardia lo nongu khami ani timi tipaqoye panongu phimini shou axine shipuku mphike. Timi tipaqoye metsughoi keu phimini pepu puzu igholo xu nani, kughengu panonguye titoi shikeuno akuzupuke.

Sümi Tiqhelimi Bible

⁴ Ikemu no ye Sardis lo timi hami kitiqemo kemi aphie. Panongu ye aphimini miyetsüghoi keu pepusü I gholo alà che nani kughengu panongu ye tishi küzü ke.

Piyeküsü 3:4 Iomraidhean Croise

KUKAMI ATUGHIU 19:18

Ikeghi Ni ye Israel lo khuno khonhe no Baal zülo qhoqhünhe mphi eno Baal müma mphi keno, timi 7,000 püxü püanie.”

ESTHER 8:15

Tishino Mordecai no akükau zülono atsüla ngo metsüghoi keu kükaphi, ameshoyi kütsükuqho kije, phephei eno hughai keu chijeboike phi pepusü wuve, eno Susa mishighüna lo akemi no ighamku alovie.

LESHELE 68:14

Kughou Akughushuu no kükami tile haleni keno, mürasü no Zalmon shou qipuku aketoi ke.

YETSAPIU 9:8

O phimini metsüghoi qhilo, thazü no o kütsüsa nupulo.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 59:6

Thalaxüta tipaqo ye aphimini shimlae; eno timiqo no ti ghopüani kemu ti ye panongu küzü mlae. Pano kümlaqo ye axine kümla ke, eno ngukangugha kümla ye pano u lo anike.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ACHINE 13:48

akugho phi, momu ashiyiko nhemgha lo namu,

MATTHEW 10:11

Aphughi lona aphu lomu nongu no ilo kelo, khuu no gihuküzüpu eno titoi nongu ikhiluni keno nongu no phujulo, eno tipa-a qhimoke kutolo nongu ye tile ngolo.

Mark 16:5

Panongu no akumoki alou ilo no apumi lakhi aphi kimiye pepusü ajeu iqa aghi keu ithulu, eno panongu ye akichiqhive.

Luke 20:35

ikemu khuno pesü ighini keu tiqheli lo iloküzü eno akithi lono xüchilethu küzü ipini keno, panongu ye lukile momu wokile monani.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

2 Thes. 1:5

Hi kümtsü Alhouw küghakütha ye achipi kepi mtsüqhei shitsü ani, tishianguno nongu no Alhou yekipe ghenguno ime akeu lo tile ilolu peniye ke.

Jude 1:23

ami lono kütami süxaphepe xalulo; sükümsa shi khami lau kimiyekini piyelo, ikemu ashi pulou lono aphimini lo axine hedave keu ye mithilo.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 19:14

Kungugha lo ghüshimi no khurshi kimiye shou iqa no phepheike phi kimiye eno tsüghükhüi keu pepusü pa papeche.

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,