Piyeküsü 22:6 - Sumi Naga CL (Re-edited) Bible (BSI)

⁶ Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”

BAIBEL (BSI)

⁶ Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”

Sümi Tiqhelimi Bible

⁶ Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 22:6 Iomraidhean Croise

BOTHUBO 41:32

Pharaoh samo ghuthu kini pumo kibe keu kiqi ye Alhou ye hipa vehu iqemo ake, eno Alhou no kighitheno shikupu nanie.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

Luke 1:70

ti ye mulhou no Paw tungkupu kimthemi vecheo pike toi

Luke 16:16

“John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

Apostolmi 12:11

Peter no atsüveshe ipeghi kelo pi, “Itehi ye I no mtsümishei ithivae, Ampeu no paw kungumi hapuwu no Herod u lono eno Jewmi no shinie pi kümsü akeu kümtsü lono I xaphe luvae.”

Apostolmi 3:18

Ikemu Alhou no kiu Paw tungkupmi kümtsü vecheo azünatha Paw Khristo ye aghime shinani, ipi keno, Pa no ti shikupuve tsüe.

Rommi 1:2

Atsape ti ye Pa no khaghi no Paw tungkupmi vecheo Kuchoyesü lono piqhi püakeu,

1 Kor. 14:32

Tungkupmi ghungu ye tungkupmiw ghaküsü qholo acheni.

1 Kor. 7:29

Athiküzümiqo, I no pi akeu ye hike: kihikütha do ye ikhonheivae. Hinguno hilau ye anipu luve kemi no külamphi kemi toi xülo,

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

IBRIMI 12:9

Itaghi, ayeghilo ningu papuqo no ni sakiyi qoputhu no nino panoqo qhoqhü cheni. Tishiaye, ningu ye tinguno alau anguaghalo Papu qhoqhü moni keshea?

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”