Piyeküsü 22:2 - Sumi Naga CL (Re-edited) Bible (BSI)

² ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.

BAIBEL (BSI)

² aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.

Sümi Tiqhelimi Bible

² Akimthe Mishighünaw alaghila kijè mtá lo qowu ae. Aghoki hukukuu eno hikukuu küma lo aküxüpu süboqo ae, eno aküxüpu süboqo lo axathi ghuthu chighikini pithí ae, tiye aqhi lo ghuthu lakhi-khi pithí ake. Eno aküxüpu sübo nipaqo hu ye shiyeqo shipivi nikeu ghenguno ake.

Piyeküsü 22:2 Iomraidhean Croise

BOTHUBO 2:9

Ampeu Alhou no asübo jeli khikhino aloqiqhiyi ithulu kepu eno achuqupu ghenguno alo kepu keno, kümtsü achhigha lono lhoipeghi lupe. Aküxüpu eno akivi ngo alhoksa kighithi sübo no aghutu mta lo ae.

LESHELE 147:3

Pa no amlo ipopinyi kemi shipivi eno pano zaku khatsü cheni.

AHOLE 3:18

Li khamgholu kemi lau li ye aküxüpu sübo ke, panoqo ye akümghaue pi kucheni.

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JEREMIYA 17:14

I shipivi tsülo, O Ampeu, eno ni ye viluve nani; I xalulo, eno ni ye xaluve nani, kughengu No ye Iw shekiqhe ke.

EZEKEL 47:1

Tishino pa no achineki hukikha lo I sachile iloghi, eno julo, achineki hukikha lono kipela küdau azü qowu ae (kughengu achineki ye kipelau küdau juake). Azü ye achineki apeu aqhou no qoiqi ae, ti ye akiptia apeu küdau ke.

HOSIYA 14:4

Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 21:21

Khagho chighikini ye mlapuchi chighikini ke, mlapuchi lakhikhi no khagho lakhikhi mlapüa, eno aphughi laghiqo ye ayina toi phuphushi tsüghükhüi keu ameshoyi no shike.

Piyeküsü 21:24

Shiye kümtsü no tipau küvü pesü xünani, eno ayeghi lo kükami no pano jekipi pesü tipau lo süghi nani,

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.