Piyeküsü 22:1 - Sumi Naga CL (Re-edited) Bible (BSI)

¹ Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

BAIBEL (BSI)

¹ Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Sümi Tiqhelimi Bible

¹ Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 22:1 Iomraidhean Croise

LESHELE 46:4

Alhouw mishighüna, Shishe Akiqheu kimthe ghüna-a lo alokivi qoipeighi chekeu ghoki lakhi ani.

ISAIAH 41:18

I no naghuto qhemghaike-a lono aghoki qopipe nani, eno akhila lo azüpuki ipeghipe nani. I no asayeqha pesü ayizükucho shivetsü nani, eno qhaike yeghi pesü azüpuki kughulhotsü nani.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

JEREMIYA 17:13

O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

John 13:32

Pa vecheo Alhou jekipipu shiaghi aye, Alhou ghi Pa ampi pesü pa lau no ajekipipu shinani, eno paikhavi no pa jepipi tsü nani.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 21:11

ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 22:6

Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 5:13

Tileno kungugha eno ayeghi lo, ayeghi qhou eno azüghi lo lhoxü jeli kümtsü no pikeu I no chilu, “Kükalakhü lo iqa akeu, eno Ambeti lau pülhapuju eno alholo shekiqhe eno agigihu, ajekipi eno akumto apelo!”

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”