Piyeküsü 21:3 - Sumi Naga CL (Re-edited) Bible (BSI)

³ Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

BAIBEL (BSI)

³ Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.

Sümi Tiqhelimi Bible

³ Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

Piyeküsü 21:3 Iomraidhean Croise

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

YEKIKITHI AKINIU 6:18

“Ikemu Alhou ye kuchou no ayeghi lo xünani keshea? Julo, kungugha eno kungugha akiqheu thotsü O qhilu kepu-a ililai moe, tishiaye kishino I no aki hipau shipüa keu no ililai luni kea?

IPEKULU 25:8

Panongu no I ghenguno akimthe-a mlani, tishianguno I no panoqo gholo ngoni.

IPEKULU 29:45

I no Israelmi gholo anani eno panoqo Lhou shi nani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:38

Panongu no Iw timi shive nani, eno I no panongu Lhou shinani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

EZEKEL 43:7

Pa no pi, “Timi nu, hi ye I kükalakhü-a eno I pukhu kinepu-a, hileno I no Israelmi gholo alhokupuju ache nani. Eno Israel kibolomi ye panongu na pano kükami namu panow kütüqha keu ngo qhemghaike-a lo panow kükami sükumo vecheo I je kimthe shikitiqe kithe moae.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

AKIKIHI 9:16

Ikehu alhokuthu lo hitoi acheuve: puchou no khüngküsü huno Aphiki küzü eno putho lono ami ipeghiche.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

1 Thes. 3:11

Itehi ye ningu Papu Alhou ampi, eno ni Mpeu Jisü no ni la kiche tsüno nongu lau ighilu peni,

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

IBRIMI 8:2

pa ye timi no shikeu kumono Ampeu no shikeu phiki kuchou, akimthe-a lo hukuthuu ke.

Piyeküsü 10:4

Eno kughou tsütsüküsü tsüni no igha keno, I no yeniye shikemu atsütsü lono asütsa lakhi no pikeu I no chilu, “Tsütsüküsü tsüni no kiu pive akeno mekhape qhivelo, eno tipau yepeqhi kevilo.”

Piyeküsü 10:8

Tishino kungugha lono asütsa I no chilu püakeu huno itaghi I vilo pi, “Wulo, eno kungumi khuu no azüghi eno ayeghi shou puthugho ani keno, pa u lono liküküzü kaku lhaphe püakeu ikhilu lo.”

Piyeküsü 12:10

Eno kungugha lono asütsa kuloghi lakhi I no chilu, “Itehi ni Lhou kükaqha, xakulupu, aküka, eno Paw Messiah kükagha ye ighivae, kughengu khuu no ni Lhou zülono putho pucho ni thiküzü chelimi nguku chekeno, akipimi kütsüu ye hape vepiqivae.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.