Piyeküsü 21:11 - Sumi Naga CL (Re-edited) Bible (BSI)

¹¹ ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

BAIBEL (BSI)

¹¹ Tiye Alhou wu akimthe jukuvuno yevuqai pesu ae. Aphughi huye amekusho-tu lakhi toi yevuqai pea, jasper-tu toi tsughukhuyike.

Sümi Tiqhelimi Bible

¹¹ Akimthe Mishighüna hu ye Alhou juküvü no yevüqai pesü ae, eno tipau küvü ye shishe akughupu chiku lakhi toi, eno akughupu-tu lakhi toi ighono tsüghükhüi ke.

Piyeküsü 21:11 Iomraidhean Croise

JOB 28:17

Ameshoyi momu ayina pesü tipau kimghi mlae, momu chiku-chila kivi pesü ti kilive mlae.

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

EZEKEL 1:22

Aküxüküa lhoxüqo kütsü shou aliho toikeu ae, tsüghükhüi keu tu toi phuphushi keu no panoqo kütsü shou nhape ae.

EZEKEL 1:26

Tipaqo kütsü shou aliho lo kükalakhü toike lakhi ae, tipau ye sapphire tu mihi; eno kükalakhü toike shou timi jukimihi toike lakhi no iqa ae.

EZEKEL 28:16

Ow kilhisho kupukuno shikeu lono no ye ngukangugha no chhitoive no axine shive kehu I no Alhouw naghuto lono kitiqeve keu thime toi o peve, eno atu iqü akeqo dolono o kütsave ke, O hikujuu cherub.

EZEKEL 43:2

Eno julo, Israel Lhou juküvü no kipelau no cheghi. Pa no ighikeu sütsa ye azüghi ghügha toi eno ayeghi ye Pa juküvü no yevüqaive.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

Piyeküsü 15:8

ikelo Alhou Nguagha eno Pa Küka jekipi launo ighikeu michhi no achineki phochighive eno kungumi tsüni u lo püsa tsüni akeu kümtsü kishekha moke kutolo milakhi mu akimthe chineki lo ilolu move.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 4:3

Khuu no tile iqa akeno Pa gi ye amekusho tu jasper eno carnelian toi, eno kükalakhü vehomxa pe akeu milisü huno emerald jukimihi shiae.

Piyeküsü 4:6

kükalakhü zülo kiu kela tsüghükhüi ayina züghi ipi kepu toike ae. Kükalakhü homxape ako bidi lo aküxüküa lhoxü bidi, anhethi no azüu eno athiu ghi chhitoi xapuae: