Piyeküsü 20:4 - Sumi Naga CL (Re-edited) Bible (BSI)

⁴ Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

BAIBEL (BSI)

⁴ Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Sümi Tiqhelimi Bible

⁴ I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 20:4 Iomraidhean Croise

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

DANIEL 7:22

ti ye Alholo Achekeu no ighi no Shishe Akiqheuw akimthemi ghenguno xakütha tsü eno akimthemi no kükaqha qhasülu moke kutolo ke.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

DANIEL 7:9

“I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

MATTHEW 19:28

Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 24:10

Kutomo no aküpülü pheve nani, lakhino lakhi thechu nani, eno lakhino lakhi jumithi nani.

Mark 6:16

Kughou Herod no ti chilu keno, pa no pi, “John, khuu kütsü I no micheve tsü keno, pa ye xüputhuve akena lae.”

Mark 6:27

Tighenguno pa no mtazü John kütsü peighi penike ghukhemi azah tsü. Tipa kiqi lono pa no wuno akughuki lono John kütsü micheve tsü

Mark 9:11

Akhopemi no pa vilo ighiju, “Kushiye Ayezah shikükami ye Elijah paghi ighi masae picheni kea?”

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Luke 14:14

tishikeu lono nou no akümghau shilu nani, kughengu panongu ye o tsüchile mla nani. Kughengu amikuchomi xüchilekulu tsala lono o tsüchile nani.”

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

Rommi 11:15

Kughengu panongu kileqhive keu huno ayeghiqha no külashilu aye, panongu ikhiluveni keloye akithi lono aküxü shive keu kumo aye kiu no kimghini kea?

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

Piyeküsü 1:2

ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 11:11

Ikemu atsala küthü tüxa thiu pama lolo Alhou launo ighikeu aküxüpu tuthu ilove no pama ye puthugho luve, eno khunono pama ithulu keno akümsapu kije no pano shou ikughive.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

Piyeküsü 11:7

Kughou pama no ashepe shikhaveni keno, akuthoku lono ipeghi keu tüghashi huno pama sasü aghüshi thuve nani eno pama theqhive no pithive nani,

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 14:11

Panongu pitikeu michhi ye pülhapuju eno alholo phoiku anani. Tüghashi eno tipau julho kümllami, eno khukhumu tipau michipu ithuluve kemi ye putho lo na puchou namu akulhokiqhi ithumla nani.”

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 2:26

Khuu no theqhilu no ashekha kutolo I kümla shini keno, pa pelo shiyeqo shou ayepe penike I no kükagha tsü nani,

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 6:9

Kughou Ambeti no michida apunguu xükho keno, Alhou Tsa eno tipau shepekishi ghenguno ghiqhive kemi ghunguqo akümlla kiptia qholo aghikeu I no ithulu.

Piyeküsü 7:3

pi, “Nino ni Lhou qemiqo kishe lo amichi shikhamla aphilo ayeghi momu azüghi eno asüboqo kütsa kevilo.”