Piyeküsü 20:2 - Sumi Naga CL (Re-edited) Bible (BSI)

² Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

BAIBEL (BSI)

² Pano Dragon, khaghi apighi hu tsuquluve, tipauye Tughami momu Satan huke, eno ampe 1000 ghenguno pa tshupe qhive.

Sümi Tiqhelimi Bible

² Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.

Piyeküsü 20:2 Iomraidhean Croise

BOTHUBO 3:1

Ampeu Alhou no aluza lo tüghashi lho keqo kümtsü dolo apighi no amqükiniue. Pa no totimi vilo pi, “Kuchou no Alhou ye nokujo vilo, ‘Nokujo ye aghutu lo kiu sübo lonomu chukevilo’ ipi keshea?”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

JOB 1:7

AMPEU no Satan vilo pi, “No ye khilano ighi ani kea?” Satan no khochile, “Ni ye ayeghiqha kümtsü huju-woju itsü iqho iqiche no ighi ani.”

ISAIAH 24:22

Akughumi toi panongu sawo aqokutho lo aqoshi qhive nani; panoqo pesü tilehi khatha püano ado kushuo thiuno ghime nani.

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

EZEKEL 47:5

Itaghi pa no auxakuchho 500 mighiju kelo ti ye aghoki ilhouve kehu ni ye katha mlave, kughengu azü no thoikughive. Ti ye azümihi kepu qhemishi thonheive, aghoki ye kathalu kepu shimove.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

Mark 4:15

Ala lo Atsa ikiqi iloke toi kughou timi khami no atsape chiluni keno, Satan no paikhavi ighi püzü pano lolo xusü püakeu hu ikhipe wuve tsü cheni.

Mark 5:7

Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

John 16:11

küghaküthapu tsa loye, hipa yeghi lo yepeu shou küghathabe nani kehue.

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

Piyeküsü 12:13

Kughou dragon no pa pesü ayeghi lo vepiqive keu ithive keno, pa no atotiu khuu anu punu keno li hathuve.

Piyeküsü 12:15

Apighi no züqozü pesü atotiu yipe wuve peniye pa kichi lono aghoki toi azü qopipe.

Piyeküsü 12:17

Tileno dragon ye atotiu jupe axuideve no li polo kughukomi khunono Alhou zakütsü pecheni eno Jisü shepe shicheni keno kümtsü sasü aghü shiniye wuve.

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 12:4

Pa shomhi no atsütsü lo ayepu kikije küthü lo lakhi ghokütsü luve no ayeghi lo küzaqhive. Pa ye atotiu khuu no pununi ye akeno li no punu keu nga tsüchu nike li zülo puthugho ae.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:2

Tüghashi tipau ye akhighiu ngushuu mihi; apukhu no ava pukhu toi, eno akichi no abongshuu kichi toi. Dragon no pa kumto, pa kükalakhü eno kükagha kuloghi pesü tüghashi tsüve.

Piyeküsü 13:4

Timi kümtsü no dragon mllauve, kughengu pa no kükagha pesü tüghashi tsüve ke, eno panongu no tüghashi ghi mlla ghi pi; “Tüghashi toike khuu ani kea? Khuu no tipau sasü kichighilu nani kea?”

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:7

Kughou ampe qhethonhe kishekhani keno Satan ye pa kughuki lono khaqhi pheve nani

Piyeküsü 9:11

Akuthoku lo kungumi akeu huno panongu shou akükau shiae. Hebrew tsau pa je ye Abaddon, eno Greek lo ye Apollyon ke.