Piyeküsü 20:12 - Sumi Naga CL (Re-edited) Bible (BSI)

¹² Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

BAIBEL (BSI)

¹² Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Sümi Tiqhelimi Bible

¹² Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Piyeküsü 20:12 Iomraidhean Croise

LESHELE 28:4

Pano kümla eno pano kixikila kümla kiqi lono lochile lo; pano u no mlakeu kiqi lono tsüchile lo; panongu no ithulu küzüpu pesü pano saxü shitsü lo.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

AHOLE 24:12

“Ningu ye hipa vehu mthae,” ipi nongu no pi aghi namu, amlo huju chekeu huye pimhelu anike kumo? O küxü jukuto chekeu no ithi ani eno Pa no timi lakhi kümla kiqi lono tsüchile nanike kumo?

AHOLE 24:29

“Pa no I lau shike toi ni ghi pa lau shini, pa no I tsüke qhemi ni ghi pa tsüchileni” ipi kevilo.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

MATTHEW 11:22

Ikemu I no nongu vilo piani, küghakütha tsala lo Tyre ngo Sidon no nongu nguno aghimepu mthüthei puqhelu nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Rommi 2:6

Pütüta no mla püaghi keu kiqi lono Alhou no ajume tsü nani;

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 20:13

Azüghi lono thive kemi tilau azüghi no ikhiphe tsü, Akithi ngo Kithigha ghi tilau kithimi akeqo ikhiphe tsü, eno panongu lakhikhi no kiu mlapüa keno tipau kiqi lono küghathabe tsü.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.