Piyeküsü 2:5 - Sumi Naga CL (Re-edited) Bible (BSI)

⁵ Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

BAIBEL (BSI)

⁵ Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.

Sümi Tiqhelimi Bible

⁵ No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

Piyeküsü 2:5 Iomraidhean Croise

ISAIAH 1:26

Azüu toi I no now xaküthami tsüchileni, eno abothu lo toi now mijekütsümi tsüni. Tithiu no nongu pesü amikucho, pükhükulupu phughi ipi kutsüni.”

ISAIAH 14:12

“O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

EZEKEL 20:43

Tilau nongu no nongu laghi eno no kümla khipaqo vecheo nongu ampi shikitiqeve keno tipaqo kümsülu nani, eno kixikila khipaqo nongu no mlaithave keno tipaqo kümtsü ghenguno nongu no nongu ampi jupe aphimqhü nani.

EZEKEL 36:31

Tileno nongu no now kixikila laghi, eno akümla lhoksaqo kümsülu nani, no kipimi eno aphikümqhüpu ghenguno nongu no nongu ampi ju aphimqhü nani.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 9:10

Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.

MALAKI 3:4

Tileno wovekeu tsala eno khaghi mpeqo lo toi Judah ngo Jerusalem kümllagho ye Ampeu lau ikhikulupu shi nani.

MALAKI 4:6

Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

MATTHEW 5:14

“Nongu ye ayeghiqha küvü ke. Atoghi lo aphughi akeu ye küsüve mlae.

MATTHEW 5:15

Tike kumono timi ye akulu küqüpe ali no qhove chemoe, ikemu akibepu lo qhino aki lo akemi kümtsü lau aküvü tsü cheni.

Mark 12:9

Tishiaye, alu pighiu ye kiu shi nani kea? Pa no ighi no mishikulumi pithive no atsailu pesü kütami tsüve nani.

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Luke 20:16

Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

Galatiami 5:4

Nongu khunoqo ayezah vecheo achipikani ye pükapütsa ani keno, nongu ye Khristo launo kütüta shivae; nongu ye küpükini lono ikiqivae.

FILIPIAMI 2:15

tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

IBRIMI 10:32

Ikemu wovekeu ghuloki lo nongu no aküvü ithuluve kethiu kishi kutuokutuu aghime kitikhi puqhe keno kümsü julo,

2 Peter 3:17

Ikehu kimiye chekeqo, tishi mphi lono nongu ye hi ithi no kutokupui luvelo, tishianguno nongu ye ayezah heküxami kipimi gholono müsü sawuve no nongu kumto-a lono ikiqive pemo niye ke.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 16:9

Akülü kümgha no shishe timiqo phuqhive kehu panongu no Alhou Khuu püsaqo shou aküka akeno Pa je thaigha ghusho kethono xaidemo, eno Pa jepipi tsümoe.

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.

Piyeküsü 2:19

“‘O kümla, o kikimiye, aküpülü, hukuthu, kutuokutuu puqhe chekeu, eno püzüu kümlaqo kiyeve ghi itehiu pavi mla akeu kümtsü I no ithi ani.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.