Piyeküsü 2:1 - Sumi Naga CL (Re-edited) Bible (BSI)

¹ “Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.

BAIBEL (BSI)

¹ “Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Sümi Tiqhelimi Bible

¹ “Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.

Piyeküsü 2:1 Iomraidhean Croise

EZEKEL 46:10

Kughou panongu no iloghini keno, kükapuu ye panoqo gholono iloghini, eno kughou panongu no ipeveni keno, pa ghi ipeveni.

MATTHEW 18:20

Kughengu I je lono khilehi mikini momu miküthü kumqoni keno ni ye tile panoqo gholo ani.”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

John 5:35

John ye iqü akeu eno vüqai akeu kulu eno nongu no pa küvü lo ado hami alovini ke puloe.

Apostolmi 18:19

Panongu no Ephesus lo ighi kelo, Paul no panoqo tile qhive no, pa ye sinagog lo Jewmi sasü küptsa wuve.

Apostolmi 18:21

Ikemu panongu qhive no wuche kelo pa no pi, “Alhou pulou shi aye, ni ye nongu lau ideighi nani,” eno pa ye Ephesus lono cheve.

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 12:1

Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.

Piyeküsü 2:12

“Pergamum kukuhou lo kungumi lau yelo: ‘Khuu u lo putoputo züta kütsügha ani keno Pa tsape.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 3:1

“Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.