Piyeküsü 19:15 - Sumi Naga CL (Re-edited) Bible (BSI)

¹⁵ Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

BAIBEL (BSI)

¹⁵ Azutakihi lakhi pa kichi lono ipeghi eno pano tipau pesu ashiayehqo shou tolu nani. Pano ayikusu pepuzu panoqo shou ayehpe nani eno Alhou Akumtou wu aloghu tsughuphe chekeu tughuko lono aji taphe nani.

Sümi Tiqhelimi Bible

¹⁵ Pa kichí lono tsüghaminhei keu akihizüta ipeghi ae eno tino shiyeqo kütsave nikeu shi ake. “Ayì no mülà keu akükau küsǘ pesü pa no panongu shou ayè pe nani.” Pa no atsaizü kütsüghǜ-a lono atsaizü tsüghüphe akeshi Akughushu Lhou’w muqhumüza keu loghu tsüghüphe nani.

Piyeküsü 19:15 Iomraidhean Croise

LESHELE 2:9

Nono ayiküsü pesü panoqo ghaqhi nani eno ayeghi li kuboke toi panoqo vepho pinyi nani.”

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

JOYIL 3:13

Ayevü pesü ghothu lo, kughengu aghi ye nivae. Wuno qole lo, kughengu atsaithi kütsüghübo ye chhitoivae. Atughuko no qole ani, kughengu panow küsakügha ye kije ke.

MALAKI 4:6

Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 12:5

Li no kiptimi punuve, anu khuu ayiküsü pesü shiye kümtsü shou ayepeni keu lo akeno pa huke. Ikemu anu huye Alhou eno Pa kükalakhü-a lo mxape ikuve,

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

Piyeküsü 19:21

Eno panow ghüshimi achili thaqhü ye khuu khurshi shou iqa akeno pa kichi lono azütakikihi ipeghi keu pesü ghiqhi khave, eno aghauqo no pano po sünhei tipaqo shi mighive.

Piyeküsü 2:12

“Pergamum kukuhou lo kungumi lau yelo: ‘Khuu u lo putoputo züta kütsügha ani keno Pa tsape.

Piyeküsü 2:16

Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.

Piyeküsü 2:27

ti ye Ni ampi no I Pu launo kükagha ithuluke toi, tishino ayeghi li vepho pinyive ketoi pa no ayiküsü pesü panoqo shou ayepe nani.