Piyeküsü 19:12 - Sumi Naga CL (Re-edited) Bible (BSI)

¹² Pa nhethi ye ami mili toi eno pa kütsü lo kükakütsüqho kutomo ae, pa ye aje lakhi yepe dapuche kemu pa likhino kumo aye khunomu ithimo.

BAIBEL (BSI)

¹² Pa nhethiye ami mili toi eno pa kutsulo akutsukuqho kutomo puae. Pa shou aje lakhi yepuku puae, ikemu pa likhino kumoaye khunomu tipau mthae.

Sümi Tiqhelimi Bible

¹² Pa nhethi ye ami vüqalei keu toi ke, eno pa kütsü lo aküka kütsükuqho kutomo ae. Pa ye aje lakhi pa phimpi lo yèpuku pepüa kemu pa likhi no kumo aye timi khumu aje tipau ithimoe.

Piyeküsü 19:12 Iomraidhean Croise

BOTHUBO 32:29

Jacob no pa je ighiju, “Kimiyeno I vilo o je pilo.” Ikemu pa no pi, “Kushiye I je ighiju ani kea?” Eno tishino pa no pa kümghatsü.

LESHELE 8:5

Ikeghi Nono kungugha lomi nguno kitila aqhou shi pa lho eno ajuküvü ngo agigihu pesü pa kütsükuqho shitsüe.

IPEKULU 23:21

Pa lau amlo tsüqhiyi shilo eno pa tsa gholulo; pa hebide kevilo, kughengu pa ye nongu kipimi qhitsümo nani, kughengu pa lolo I je ani.

AHOLE 30:4

Khuu no atsütsü lo iku no iqighi kea? Khuu no pa u lono amülhü küghaluve akea? Khuu no aphimini lono azüghizü ghokütsülu kea? Khuu no tsütsü yeghibo lughi sho püani kea? Pa je ye khuu, eno Pa nu je no khuu kea? No ye ithi ani pütsae!

ALE KIMCHI 3:11

O Zion lo ilimiqo, ipeghilo eno Akükau Solomon julo, pa küküla tsala, pa lokivipu tsala lo, paza no qhopipe keu kütsükuqho pusü cheni.

ISAIAH 62:3

No ye Ampeu ghakhu lo jukighilepu kütsükuqho lakhi shi nani, eno o Lhou yekipe lo kükakütsüqho shi nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

DANIEL 10:6

Pa phiau ye beryl tu toi, pa gi ye tsütsüpha küvü toi, pa nhethi no akulu miküqü toi, pa u mlo ngo apukhu no alazayi thakimtheve keu toi, eno pa tsa no aqokitikhi ghügha toike.

ZEKHARIA 9:16

Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 21:5

“Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 17:12

I no panoqo gholo akelo ni ye O je lono Nono I tsükeqo khekuto cheke. I no panoqo süsho che, eno Kuchoyesü shikupu niye kütsakungo nu no kumo aye panoqo gholo lakhimu pühamoe.

Ephesiami 1:21

Khristo pesü aghawu yekipe jeli eno aküka kumto pe qhasü chekemi kümtsü shou qhino hipa tiqheli lo likhi kumono ighini keu kutolo ghi aje kütau kümtsü nguno akiqheu shitsüke.

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

Piyeküsü 1:14

Pa kütsüsa ye metsüghoi asüpha kimiye, mürasü toi. Pa nhethi no ami mili toi,

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 6:2

I no jupuwo kelo khurshi kimiye lakhi aghi! Ti sakicheu u lo shexilika ae, eno akütsükuqho pa tsü püakeu xapu aghü lo tokulumi shi ghi itaghi lewu nike ipeghi.

XAKUTHAMI 13:18

Kungumi no pi, “No ye kushiye I je ithinishi ani kea? Hi ithulu akeu no akümzapue.”