Piyeküsü 18:9 - Sumi Naga CL (Re-edited) Bible (BSI)

⁹ Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

BAIBEL (BSI)

⁹ Ayeghilo kukami khipaqono li salha kusaje eno li ghichikupo kusaje cheni keno tipaqoye kughou li pitikeu michhi phoipeghi keu ithulu nikeno aphughi ghenguno ighamuku qa nani.

Sümi Tiqhelimi Bible

⁹ “Kughou ayeghi lo kükami khunoqo no li sasü asalha kümlà shiche eno li no nibonilei shi xü keu küsaje chekeqo no li pitiqhi akeu michhi ithulu keno, panongu ye li ghenguno anhezü-piji eno mloqa nani.

Piyeküsü 18:9 Iomraidhean Croise

BOTHUBO 19:28

Eno pa no Sodom ngo Gomorrah küdau eno akhila yeghi kümtsü lo jupuwo, eno julo, ayikiyiqiu miphoki lo toi ayeghi lono amchhi phoikughi aghi keu ithulue.

LESHELE 58:10

Kughou amkhükulu ithulu keno amikuchomi no alovi nani; pa no kixikilami ji pelekeu lono apukhu qhu nani.

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

JEREMIYA 50:40

Alhou no Sodom ngo Gomorrah eno tipa sükümxa lo mishighünaqo kütsaleve kelo toi milakhimu tile küghüna kithemo nani, ipi Ampeu no sheshu.

JEREMIYA 50:46

Babylon ikiqi keu sütsa chilu kemtsa, ayeghi kümtsü itha nani eno pano küqa no shiye kümtsü no chilu nani.”

JEREMIYA 51:8

Babylon ye züleno ikiqive no kütsalevae, li kümsü qalo! Li küsü ghenguno nukümtshau lulo, tinomu li shipivi luvie.

EZEKEL 27:35

Azüghimkü lo küxümi kümtsü no o jupe thüghüivae, kükami kütsüsa no puthughovae; akümsa no agi no sükughuvae.

DANIEL 4:14

Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

1 Tim. 5:11

Ikemu chimemi lhothe ye kihiküsü lo sü kevilo, kughengu pano shiaji pulou no pano sasü Khristo launo putosüve aye, külauve nishi cheni.

Piyeküsü 14:11

Panongu pitikeu michhi ye pülhapuju eno alholo phoiku anani. Tüghashi eno tipau julho kümllami, eno khukhumu tipau michipu ithuluve kemi ye putho lo na puchou namu akulhokiqhi ithumla nani.”

Piyeküsü 17:2

ayeghi lo kükamiqo no li sasü kütüqha cheni; eno li ghili küsa jukhu no ayeghi lo timiqo shokümzüvae.”

Piyeküsü 18:18

eno li pitikeu michhi ithulu kelo panongu no ighamku, “Mishighüna kighiche hutoi keu kiu phughi ache kea?”

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’

Piyeküsü 19:3

Panoqo no itaghi igha pi, “Hallelujah! Li pitikeu michhi ye pülhapuju eno alholo phoiku aniae.”

Piyeküsü 2:22

Julo, I no li pesü aküsü züalo vepukuve nani, eno khunono li sasü kütüqha cheni keno, panongu no li xine lono xaidemo keloye I no küsakushupu lo panoqo vesüve nani,