Piyeküsü 18:8 - Sumi Naga CL (Re-edited) Bible (BSI)

⁸ Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

BAIBEL (BSI)

⁸ Highenguno, liwu pusa jeli hipaqo kumtsu ghulo lakhino qhai li ghaqhi nani: kusukini, amlo kusa, akhuamzu; Liye amino pitiqhive nani. Kughengu li shou kughakuthau Ampeu Alhou ye akumtouke.”

Sümi Tiqhelimi Bible

⁸ Tighenguno liw püsaqo no ghulo lakhi ye li shou ikughive nani: tiye akithí, amloküsa eno püqümiye ke. Li ye ami no pitiqhive nani, kughengu Ampeu Alhou khuu li shou küghathabe cheni keno pa ye akughushuu ke.

Piyeküsü 18:8 Iomraidhean Croise

JOB 9:19

Tsala hi no aküka kukuxu shiaghi aye Pa no Akumtoue! Eno achipiu tsakükügha shiaghi aye khuu no Pa kuluni kea?

LESHELE 62:11

Alhou no ghuthu lakhi pivae; I no akiniu ghi chiluvae: ti ye, aküka ye Alhouw ke,

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

ISAIAH 9:14

Ikehu atsala lakhi lono Ampeu no akütsü ashomhi kütüta shi Israel ghethave

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

Piyeküsü 11:17

pi, “Ampeu Alhou akughushuu, Khuu acheni eno acheghi keno, Nino O shikimthi ani, kughengu Nono O küka kije ikhiluve no ayepe thuvae.

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,

Piyeküsü 17:18

Eno atotiu nono ithulu keu ye ayeghi lo kükami kümtsü shou qhasüpe achekeu mishighüna akijeu huke.”

Piyeküsü 18:17

Kughengu asüchedo lakhi lono küakini qhoi pükhülevae.” Zükilu mpemi eno tile kichemi, zükilu sakichemi eno azüghi lo kilhishomi kümtsü no putou puthugho

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.

Piyeküsü 19:3

Panoqo no itaghi igha pi, “Hallelujah! Li pitikeu michhi ye pülhapuju eno alholo phoiku aniae.”