Piyeküsü 18:7 - Sumi Naga CL (Re-edited) Bible (BSI)

⁷ Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’

BAIBEL (BSI)

⁷ Lino ajekipi eno nibonileyi pepimheke hutoi Aghime eno amlo kusapu tijehi li tsulo. Kughengu lino li likhi li vilo ishi piche; ‘Akukaliu lakhi shighi ino hile iqa ani! Niye chimemi lakhi kumoe, Niye khilemu amlo kusa shimo nani!’

Sümi Tiqhelimi Bible

⁷ Li no ajekipi eno nibonilei shi xü keu toi aghime eno amlokighishi tijehi li tsülo. Li ye li mlo lo aqheküza shi ishi pi cheni, ‘Ni ye akükaliu toi aküka lakhü lo iqa ani. Ni ye chimemi lakhi kumoe; Ni ye khilemu mloqamo nani.’

Piyeküsü 18:7 Iomraidhean Croise

ESTHER 6:10

Tile akükau no Haman vilo pi, “Mtazü nono pive ketoi chijeboike phi ngo khurshi ikhilulo, eno Jewmi Mordecai, khuu akükau khagho lo iqa ani keno pa lau titoi shilo. Nono pive keu kiumu kümsüma kevilo.”

LESHELE 10:6

Pa mlo lono picheni, “Ni ye ithamo nani; tiqheli kupuju lo ni ye aveküsa do sholumo nani.”

LESHELE 45:9

kükami ngaqo no o gigihupu totimiqo gholo ani; o u ajeu kükaliu no Ophir meshoyi pepusü puthugho ani.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

EZEKEL 23:34

nono ti qhoi tayeve nani, eno ajukhu tsapho no atachu pesü o kichhi ghale nani; kughengu I no piqhivae, Ampeu Alhou no asheshu.

Obadiah 1:3

O mlo lo aqheküza no o pishiqhivae, no khuu atuki qhemghai keu lo xü acheni keno, nono o mlo lono ishi pi cheni, “khuu no ayeghi lo I saiqighi kulupu kea?”

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

1 Tim. 5:11

Ikemu chimemi lhothe ye kihiküsü lo sü kevilo, kughengu pano shiaji pulou no pano sasü Khristo launo putosüve aye, külauve nishi cheni.

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.