Piyeküsü 18:23 - Sumi Naga CL (Re-edited) Bible (BSI)

²³ akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.

BAIBEL (BSI)

²³ Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Sümi Tiqhelimi Bible

²³ Akulu küvü hu ye O lolo khilemu vüipeghi kithemove nani. Külapuu ngò külaliu sütsa hu ye O lau no khilemu chilu kithemove nani. Ow alhikishimiqo ye ayeghiqha lo ighono akhotomi shi acheke. Nono saqhi-sali kichileu shikeu vechewo shiyeqo kümtsü pishiqhi khave ke.

Piyeküsü 18:23 Iomraidhean Croise

KUKAMI AKINIU 9:22

Kughou Joram no Jehu kusholu keno pa no pi, “Külakishi vehu kema, Jehu?” Jehu no khochile, “O za Jezebel no kütüqha eno tumumi no hijeje ake thaqhülo kiu külakishi anani kea?”

JOB 21:17

“Kixikilami kulu ye ghuthu khije pinheve tsü akea? Momu ghuthu khije küsakusho sholuve akea? Alhou ye ghuthu khije Pa xuide ghi pano ghimeve akea?

AHOLE 24:20

kughengu alhoksami ye agizüu kiumu kühae; kixikilami kulu ye tsüqü pinheve tsü nani.

ISAIAH 23:8

Kilhishomi no agigihu küami, lhidimi no kükami toi achekeu mishighüna, kükami süküsüu Tyre shou khuu no ishi kughuve kea?

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

JEREMIYA 16:9

Kughengu aqokitikhi MPEU, Israel Lhou no ishi piani: Julo, o nhethe lono eno o ghuloki lono kunu vüqai eno alokivi sütsa, külapuu eno külaliu lokivi sütsa kishekhave tsü nani.

JEREMIYA 25:10

Tinguno alau I no panongu launo alokivi eno amlokiqi ghügha, külapuu külaliu lokivi ghügha, athikütsüghü tu ghügha eno akulu küvü kümtsü kishekhave tsü nani.

JEREMIYA 7:34

Judah mishighünaqo lo ngo Jerusalem laghila lo akighilhe eno alokivi sütsa, külapuu eno külaliu lokivi sütsa kishekhave tsü nani, kughengu ayeghi ye pighiveni ake.

NAHUM 3:4

Hi kümtsü kütüqhalimi loji no jukivi eno akithipu gha pesü kütüqha keu ghenguno ke, li no kütüqha keu eno züküghüzü keu gha pesü shiye eno timiqo thechuvae.

Apostolmi 8:11

Pa no ado kushuo lono paw küdüu pesü panoqo shithüghüi chekehu panongu no pa ikhilu che.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 17:2

ayeghi lo kükamiqo no li sasü kütüqha cheni; eno li ghili küsa jukhu no ayeghi lo timiqo shokümzüvae.”

Piyeküsü 17:5

Eno li kishe lo ithikümla tuqhou je lakhi yepüa: “Babylon akijeu, kütüqhalimi eno ayeghi shikipiximi paza.”

Piyeküsü 18:22

küghaküsü lebo, fulili eno afuko küighami ghügha nono chilu kithemo nani, au tshamgha kümlami ghi o gholo aghi move nani, eno athi kütsüghü ghügha mu nono chilu kithe move nani,

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 6:15

Tishino ayeghi lo kükami, kijemi, ghüshitomi, kinimi, akumtomi, eno lüthü, aqemi, eno ililai xüakemi kümtsü no atuki eno naghuto lo atuqo dolo itshüpe,

Piyeküsü 9:21

tike kumono panow ghikiqhi, küdüu kümla, asalha ashupu momu aküpka lono xaide moe.