Piyeküsü 18:21 - Sumi Naga CL (Re-edited) Bible (BSI)

²¹ Tileno kungumi kumto lakhi no atuqu kuloghi lakhi athi kütsüghü tuqu toike ikhipe azüghi lo vesüve no pi, “Akiqheu mishighüna Babylon ghi hitoi ngukangugha shi kütsakungove no khilemu ithulu kithe move nani;

BAIBEL (BSI)

²¹ Tileno kungumi akumto lakhino athi kutsughu tuqu pahikeu atuqu lakhi ikhiqhe pesu azughilo vesu puzu ishipi, “Babilon phughi kije huye aka-agha lono hitoi vepuwuve nani eno khilemu ithulukithe move nani.

Sümi Tiqhelimi Bible

²¹ Tile no kungumi kumto lakhi no athi kütsüghǜ tuqu qhemi atu kijè lakhi ikhipesü azüghi lo vesüve, eno ishi pi: “Mishighüna ajekipiu Babylon ye khilemu ithulu kithe müla kepu shi hitoi muqhumüzai vepiqive nani.

Piyeküsü 18:21 Iomraidhean Croise

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

JOB 20:8

Asamo toi pa ye yewuve no phumlave nani, putho lo züxou toi pa hapupove nani.

LESHELE 37:36

Ikemu pa ye thive no kühavae; I no pa phuju akemu ithumlave.

IPEKULU 15:5

Züqozü no panoqo küzüluve; atuqu toi panongu no azüghi kutho lo ilove.

EZEKEL 26:21

I no o pesü akümsapu shi kishekhave tsü nani, eno no ye kühave nani. O phuighi anamu no ye khilemu ithulu kithe move nani ipi Ampeu Alhou no asheshu.”

DANIEL 11:19

Pa no pa yeghi lo aliwo kuptu küdau agi kughopuwo nani, ikemu pa ye küpxalu no veqhive püzü pühave nani.

Piyeküsü 10:1

Tileno I no kungumi kughushu kütau lakhi kungugha lono milisü no pa kütsü shou vehope khüngküsü no küzüpe iqi cheghi keu ithulu, pa gi ye khetsünhe toi eno pa pukhu no ami tsükucho toike.

Piyeküsü 12:8

ikemu pa ye theqhive, eno tithiu ye kungugha lo panongu-a kühave.

Piyeküsü 16:20

Züdoyeghi kümtsü lakhikhi no yimive eno naghutoqo no thosü-a lo ngo move no külaqa khave.

Piyeküsü 18:10

Panongu no li ghime jumsa kelauno putou puthugho ngo no pi nani, “Oishe! Babylon, no akiqheu mishighüna, no akumtou phughi, anguküsapu ghi lae! Kughengu asüchedo lakhi lono ow küghakütha ighivae!”

Piyeküsü 18:22

küghaküsü lebo, fulili eno afuko küighami ghügha nono chilu kithemo nani, au tshamgha kümlami ghi o gholo aghi move nani, eno athi kütsüghü ghügha mu nono chilu kithe move nani,

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 5:2

Kungumi kumto lakhi no asütsa kuloghi lono ishi asheshu aghi keu I no ithulu, “Khuu no michida lhave no liküküzü kaku xükho küzü kea?”