Piyeküsü 17:8 - Sumi Naga CL (Re-edited) Bible (BSI)

⁸ Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

BAIBEL (BSI)

⁸ Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Sümi Tiqhelimi Bible

⁸ Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 17:8 Iomraidhean Croise

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 7:11

“Akibo no atsa pi akeu sütsa kije ghenguno I no ju kelo tüghashi hu ye ghiqhive, tipa phimpi ye kütsave no ami lono pitive penike tsüve.

DANIEL 7:26

Ikemu xakütha ghenguno küghaki ye kutope anani, eno ashekha loye qhoi pühave eno kütsaveni ke ghenguno pa yekipeqha ikhi süwuve nani.

DANIEL 7:3

Eno azüghi lono tüghashi bidi ipeghi, ti ye lakhino lakhi launo kütütae.

DANIEL 7:7

Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Luke 8:31

Tüghamiqo no Jisü vilo panoqo hape ayeghi qhou aqo lo puwu pemoni ke qhüinijua.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

Piyeküsü 11:7

Kughou pama no ashepe shikhaveni keno, akuthoku lono ipeghi keu tüghashi huno pama sasü aghüshi thuve nani eno pama theqhive no pithive nani,

Piyeküsü 17:11

Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.

Piyeküsü 17:2

ayeghi lo kükamiqo no li sasü kütüqha cheni; eno li ghili küsa jukhu no ayeghi lo timiqo shokümzüvae.”

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.