Piyeküsü 17:12 - Sumi Naga CL (Re-edited) Bible (BSI)

¹² Eno akibo chighi nono ithulu püakeu ye kükami khunoqo kükagha ithulu mphi keno pano chighi ke, ikemu tüghashi gholono kümtsa ayikihedo lakhi ghenguno kükami nguagha ikhiluni ye ani.

BAIBEL (BSI)

¹² “Nono akibo chighi ithulukeu huye kukami chighike, panonguno ayehpe kepu kuka peitha mphi, ikemu tughashi gholo kumtsa ayikihedo lakhi ghenguno kukami toi ayehkipe pushi akuka ikhilu nani.

Sümi Tiqhelimi Bible

¹² “Nono akibò chighí ithulu keu ye akükaphu ithulumo no akeu kükami chighí ke, ikemu panongu ye tüghashi gholo no ayì kihedo lakhi ghenguno kükami toi kükagha ithulu nani.

Piyeküsü 17:12 Iomraidhean Croise

DANIEL 7:20

eno tipau kütsü lo akibo chighi xapu akeu ngo akibo kütau ipeghi kelo tipau zülo akibo küthü akeu no ikiqive keu, akibo khipau lo anhethi akeno eno akichi lono aqheküza tsa pi akeno, tipau ye pa lojimi nguno akijeu shi ithulu akehu tüghashi tipau ghili I no ithiveni shi ae.

DANIEL 7:24

Akibo chighi ghengu ye, kükaqha hipau lono kükami chighi ipeghive nani, eno kütau lakhi no panoqo shelo ipeghi nani; pa ye azüumi nguno paküta nani, kükami küthü ikhiqhive nani.

Piyeküsü 10:11

I vilo highi pi, “No ye itaghi ashiaye, shiye, atsa jeli eno kükami kutomo lau tungkuptsa pimasae.”

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,

Piyeküsü 18:10

Panongu no li ghime jumsa kelauno putou puthugho ngo no pi nani, “Oishe! Babylon, no akiqheu mishighüna, no akumtou phughi, anguküsapu ghi lae! Kughengu asüchedo lakhi lono ow küghakütha ighivae!”

Piyeküsü 18:17

Kughengu asüchedo lakhi lono küakini qhoi pükhülevae.” Zükilu mpemi eno tile kichemi, zükilu sakichemi eno azüghi lo kilhishomi kümtsü no putou puthugho

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.