Piyeküsü 17:1 - Sumi Naga CL (Re-edited) Bible (BSI)

¹ Tileno kungumi tsüni khunoqo u lo abohu tsüni akeno tipaqo gholo lakhi no ighi no I vilo pi, “Ighilo, kütüqhaliu khuu aghoki kutomo shou iqa ani keno, li shou küghatha keu I no o piyeni,

BAIBEL (BSI)

¹ Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.

Sümi Tiqhelimi Bible

¹ Kungumi tsünì dolo abohu tsünì pe akeu no ighino I vilo ishi pi, “Ighilo, kütüqhaliu ajekipiu khuu azüghi kutomo phivilo iqa acheni keno li ghimeqhi niye akeu I no O pìye nike.

Piyeküsü 17:1 Iomraidhean Croise

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 57:3

Ikemu nongu tuumi eno kütüqhalimi nuliqo, hilau kupunu ighilo.

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 51:13

O nongu azüghi phivilo kinikülü shi xüche keqo, nongu shekuho ye ighivae; no küxü kighi ye ghithavae.

EZEKEL 31:4

Azü no tipau vapütsü; azükutho no tipau pelo kushuo thuwu lupe, ti shosü püake-a homxa aghokiqo no qowu, aluza lo asübo kümtsü lau aghokitiqo puwu ke.

Luke 24:32

Pama no ishi pikile, “Ala lo pa no Kuchoyesü lo akeu tsa piche kelo ni mlo alou no ami iqü ketoi ke kumo?”

Luke 9:30

Eno julo, timi kini, Moses ngo Elijah no pa gholo küptsa aghi,

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

Piyeküsü 16:19

Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 21:15

Kungumi I pütsa akeu no aphughi eno khagho ngo aliwo mighi niye ameshoyi kimghipu süta au lo pecheghi.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”