Piyeküsü 16:17 - Sumi Naga CL (Re-edited) Bible (BSI)

¹⁷ Kungumi akütsüniu no pa bohu pesü amülhü lo leqhi, ikelo achineki lo kükalakhü lono asütsa kuloghi lakhi ishi ipeghi, “Hi no kishekhavae!”

BAIBEL (BSI)

¹⁷ Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

Sümi Tiqhelimi Bible

¹⁷ Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Piyeküsü 16:17 Iomraidhean Croise

John 19:30

Jisü no akiqhi ji mqaluve no pi, “Hi no kishekhavae.” Eno pa kütsü ihoiqive no thive.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 14:15

Tile kungugha chineki lono kungumi kütau lakhi ipeghi, eno asütsa vekipighi khuu khüngküsü shou iqa akeno pa vilo pi: “O yevü pesü ghothulo, kughengu aghibo kugho ghuloki ye ighivae, eno ayeghi shou ghile hukepu do ghi tovae.”

Piyeküsü 14:17

Tithiu kungugha chineki lono itaghi kungumi lakhi ipeghi, eno pa ghi ayevü pecheghi.

Piyeküsü 16:1

Tileno asütsa kuloghi lakhi achineki lono kungumi tsüni vilo ishi pikeu I no chilu, “Wulo eno Alhou loghu akeu kiptibo tsüni pesü ayeghi lo leqhilo!”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.