Piyeküsü 16:14 - Sumi Naga CL (Re-edited) Bible (BSI)

¹⁴ Kughengu hipaqo ye tüghaküsa ghawu, amchipu kümla ghi shiche keqoe, hipaqo no Alhou Akughushuu tsala kije lo aghü küpüghüni ke ghenguno akuaqha kümtsü lo kükami akeqo hekütsü süghi niye wuve.

BAIBEL (BSI)

¹⁴ Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Sümi Tiqhelimi Bible

¹⁴ Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

Piyeküsü 16:14 Iomraidhean Croise

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

EZEKEL 14:9

Tsala tungkupu pishiqhive no atsa pi aye, Ni Ampeu no tungkupu tipau pishiqhive ake, eno I no I pa lachile I u peqhe no Iw timi Israelmi launo pa kütsave nani.

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Luke 2:1

Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Rommi 1:8

Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

2 Thes. 2:9

Ayezah heküxau ikighi ye Satan kümla lono ke, pa no aküka, eno kichile michipu ngo akichiqhipu kümla peitha nani,

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

James 3:15

Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

JOSHUA 11:5

Eno kükami kümtsü küqhano Israelmi sasü aghü shiniye Merom ghoki phivilo aghazü shive.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:3

Akütsü lakhi ye akithipu ghüzaku toi xapuae, ikemu aghüzaku ti ye kuuve aghi, ayeghiqha no mzamghalei tüghashi pape wuve.

Piyeküsü 16:16

Tishino aghawuqo no kükami hekütsü sawo Hebrew tsauno Armageddon ipi chekeu-a lo kumqo.

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 20:8

eno pa no ayeghiqha cheku bidi lo shiye jeli akeqo pishiqhini ke, eno aghü shinike ghenguno Gog ngo Magog hekütsü nani; pano kikihi ye azüghimkü lo asaye jehi ake.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 6:17

kughengu panongu loghu tsala huye ighivae eno khuu no tipau lo puthugho luni kea?”