Piyeküsü 15:4 - Sumi Naga CL (Re-edited) Bible (BSI)

⁴ Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

BAIBEL (BSI)

⁴ O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Sümi Tiqhelimi Bible

⁴ Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”

Piyeküsü 15:4 Iomraidhean Croise

LESHELE 105:7

Pa ye Ampeu ningu Lhou ke; Paw küghakütha ye ayeghiqha kümtsü lo ani.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 22:23

Nongu Ampeu sümsa chekemi, Pa sheqhelo! Nongu Jacob kughukomi kümtsü Pa jepipi tsülo, nongu Israel kughukomi kümtsü Pa sükümsa shi puthugho lo!

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 22:3

Ikemu No ye akimthe ke, Israelmi no sheqhe chekeu kükalakhü lo ani.

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

LESHELE 89:7

Shishe akimthemi hoho lo gihuküzüpu Lhou, O vehope akeqo nguno alau akighiche khuu ani kea?

LESHELE 97:8

Zion no chilu no alovi ani, eno Judah ngaqo no alokiqi shi ani, ti ye Ow xaküthaqo ghenguno ke, O Ampeu.

LESHELE 99:5

Ampeu ni Lhou süqhelo; Pa pukhu kinepu lono mllalo! Pa ye akimthe ke!

LESHELE 99:9

Ampeu ni Lhou sheqhelo, eno Pa kimthe toghi lono mllalo; kughengu Ampeu ningu Lhou ye akimthe ke!

ISAIAH 24:15

Ikehu kipelau no Pa sheqhelo; azüghimkü lo küami no Ampeu, Israel Lhou je sheqhelo.

ISAIAH 25:3

Ikehu ashiaye kumtomi no O je pipitsü nani; ayiküsa shiyeqo no O sümsa nani.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

Rommi 15:9

tishino Jewkumomi pelo Alhouw küpükini ithulu ke ghenguno Pa juküvüpu shi peniye ke. Ti ye ishi yepüa keu kiqi lono, “Ikehu I no Jewkumomi gholono O sheqhe eno O je shipilini.”

1 Peter 1:16

kughengu ishi yepüani: “Nongu ye akimthe shilo, kughengu Ni ye akimthe ke”

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

Piyeküsü 16:5

Tileno azüghi jukütsü akeu kungumi no ishi pikeu I no chilu, “O Akimtheu, Khuu acheni eno acheghi keno, Nono achipiu kehu küghakütha hipaqo süghie.

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.