Piyeküsü 14:18 - Sumi Naga CL (Re-edited) Bible (BSI)

¹⁸ Itaghi kungumi lakhi khuu ami shou yepeu keno pa no akiptia lono ipeghi no ighamku ayevü kütsügha kipeu kungumi vilo pi, “O yevü pesü ayeghi lo atsaipho ghokike lo, kughengu tipau tsaithiqo ye nivae.”

BAIBEL (BSI)

¹⁸ Itaghi akumllagho kipitia lono kungumi ami peithachekeu kutau lakhi ipeghi, eno pano asutsa kuloghi lono hashiwo kutsugha peakeu vilo ighamuku pi, “Owu hashiwo peithalo, eno ayeghilo atsayithi pho ghothalulo, kughengu atsayithiye nivae!”

Sümi Tiqhelimi Bible

¹⁸ Itaghi kungumi kütau lakhi ami jukütsü akeu hu no akümlá-khache lono ipeghino asütsa kuloghi lono tsüghaminhei keu ayevǘ pe akeu vilo ishi pi, “O yevǘ ikhilulo eno ayeghi lo atsailu akeu lono atsaithi pho ghitha pe kumqolo, kughengu ayeghi lo astaithiqo ye nivea ke.”

Piyeküsü 14:18 Iomraidhean Croise

JOYIL 3:13

Ayevü pesü ghothu lo, kughengu aghi ye nivae. Wuno qole lo, kughengu atsaithi kütsüghübo ye chhitoivae. Atughuko no qole ani, kughengu panow küsakügha ye kije ke.

Mark 4:29

Kughou aghi lothi no niveni keno, ti ye ghile tusho ighive akehu pa no mtazü ayevü pesü gholuve cheni.”

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 16:8

Kungumi abidiu no pa bohu pesü khetsünhe lo lepuku, ikelo tipau migha pelo timi phuqhi penike azah tsüve.

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,