Piyeküsü 13:3 - Sumi Naga CL (Re-edited) Bible (BSI)

³ Akütsü lakhi ye akithipu ghüzaku toi xapuae, ikemu aghüzaku ti ye kuuve aghi, ayeghiqha no mzamghalei tüghashi pape wuve.

BAIBEL (BSI)

³ Tipau kutsu gholo lakhiye akithipu ghuzaku puaketoi, ikemu aghuzaku tipauye vithaive. Ayeghiqha kumtsuno akichiqhive eno tughashi tipau pape wuve.

Sümi Tiqhelimi Bible

³ Tüghashi kütsü tsünì akeu dolo lakhi ye akithipu ghüza kijè xapu ake toi ke, ikemu akithipu ghüza tipau ye viluve. Ayeghiqha kümtsü lo akichiqhi keu no chhitoive eno tüghashi hu pape wuve.

Piyeküsü 13:3 Iomraidhean Croise

EZEKEL 30:24

I no Babylon kükau umlo shikumtove tsü nani eno I zütakikihi pa u lo sütsü nani, ikemu I no Pharaoh umlo ye hechheve tsü nani, eno pa ye timi lakhi no akithipu ghüzaku xapu aketoi Babylon kükau zülo aküsü ghügha igha nani.

Luke 2:1

Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

John 12:19

Ikehu Phariseemi no lakhino lakhi vilo pi, “Julo, nongu ye kiumu shimlavae. Ayeghiqha no pa pape wuvae.”

Apostolmi 8:13

Simon ghi pülüve; eno baptiz shiluve kethiu pa ye Philip gholo chewuve. Eno akümzapu ngo amchipu kümla ithulu no Simon ye akichiqhive.

Piyeküsü 13:12

Tino tüghashi atüghüu küka kümtsü pa zülono peitha, eno ayeghi lo küami pelo akithipu ghüzaku lono viluve keu tüghashi atüghüu mllape.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 17:10

tipaqo ye kükami tsüni ghi ke, panoqo gholo pungu ye ikiqivae, lakhi no ani, eno lakhiu ye ighi mphi kemu kughou pa no ighini keno pa ye ado ikhonhei likhi ngomasa nani.

Piyeküsü 17:11

Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.

Piyeküsü 17:13

Hipaqo no akükümsü lakhi shino aküka eno anguagha kulhuqhipe tüghashi tsüve nani.

Piyeküsü 17:17

kughengu panoqo no amlo lakhi shino pano kükagha pesü tüghashi lau pephetsü keu ye Alhou no Pa tsa shikupu khamoke kutolo Pa kukughu kiqi lono mla peniye panongu mlo lo süvetsü keu ke.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.