Piyeküsü 12:7 - Sumi Naga CL (Re-edited) Bible (BSI)

⁷ Ikelo kungugha lo aghükishi ipeghive, Michael ngo paw kungumiqo no dragon sasü küpüghü. Dragon ghi paw kungumiqo sasü mjochile,

BAIBEL (BSI)

⁷ Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.

Sümi Tiqhelimi Bible

⁷ Ikelo kungugha lo aghükishi ipeghive. Kungumi atou Michael eno paw kungumiqo no tüghaküsa sasü aghüshi, eno tüghaküsa ngò paw kungumiqo ghí mujochile ke.

Piyeküsü 12:7 Iomraidhean Croise

LESHELE 78:49

Pa no amlo kighide, aloghu, axukighide, eno aghime küsa pesü kütsakungo chekeu kungumi launo puwue.

ISAIAH 34:5

Atsütsü lono I zütakikihi kutope I no kütsani ye akemi Edommi shou küghathani ke iqi cheni.

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

DANIEL 10:13

Persia kükaqha kükapuu no atsala muku lakhi I lakhape ngove, ikemu Michael, kükapumi gholo atou no I kuphuni ye ighi, kughengu ni ye tilau Persia kükamiqo gholo qhiveke,

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 26:53

I no I Pu qhüiniju kelo Pa ye mtazü kungumi aqo chighikini nguno alau I lau puwu tsü nanie pi nongu ye kümsü mla keshea?

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

Jude 1:9

Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”

Piyeküsü 12:8

ikemu pa ye theqhive, eno tithiu ye kungugha lo panongu-a kühave.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:7

Itaghi tipau pelo küpülümi shou aghü küpüghü no toluve penike azah tsüve. Ashiaye jeli, timi mqo, atsa eno shiyeqo shou aküka peithalu penike azah tsüve,

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,