Piyeküsü 12:1 - Sumi Naga CL (Re-edited) Bible (BSI)

¹ Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.

BAIBEL (BSI)

¹ Tileno atsutsulo akichiqhi kepu lakhi ipeghi, totimi lakhino tsukinhe upu, li pukhuno aqhi nepe eno li kutsukuqholo ayepu chighikini ae.

Sümi Tiqhelimi Bible

¹ Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

Piyeküsü 12:1 Iomraidhean Croise

YEKIKITHI AKINIU 32:31

Ikehu kughou Babylon yepemi lachemi no Hezekiah vilo aghakhu lo amchipu vehu ighiju niye ighi keno, Alhou no Hezekiah peju no pa mlo lo kiu ani keno kümtsü ithi niye pakutoshi qhive.

LESHELE 104:2

aküvü pesü O küzüpu ani, Nono aphiki toi kungugha xakho ke.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

ALE KIMCHI 6:10

Khuu no tsükutho tsütsü toi jupiqi, aqhi toi juvi, khetsünhe toi vüqai, ghüshimi no michiphi peche ketoi ani kea?

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 62:3

No ye Ampeu ghakhu lo jukighilepu kütsükuqho lakhi shi nani, eno o Lhou yekipe lo kükakütsüqho shi nani.

ZEKHARIA 9:16

Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 12:38

Tile Ayezah shikükami ngo Phariseemi khami no Jisü vilo pi, “Shikükau, ningu ye o launo amchipu ithuluni shi ani.”

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

Mark 13:25

Atsütsü lono ayepuqo ikiqive nani, eno kütau akeqo kümtsü süküghütha nani.

Luke 21:11

Ayeghi küghütha kije ighi nani, a-a kutomo lo püqümiye ngo püsa jeli ighi nani, eno shithüghüi keu sütsa ngo amchipu kije atsütsü lono ipeghi nani.

Luke 21:25

“Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Apostolmi 2:19

I no kunguu atsütsü lono akichiqhipu piye nani eno aqhou ayeghi lo aji, ami, eno amchhi phoboi amchipu piye nani;

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

Galatiami 4:26

Ikemu kungugha lo Jerusalem akeu huno ililai keu totimi, li ye ningu paza ke.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

Ephesiami 5:32

Tuqhou tsa hipau ye thonhei ani eno I no piani ke hi ye Khristo ngo akukuhou ghenguno ke.

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

Piyeküsü 21:14

Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.