Piyeküsü 11:3 - Sumi Naga CL (Re-edited) Bible (BSI)

³ I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

BAIBEL (BSI)

³ Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”

Sümi Tiqhelimi Bible

³ Eno I no iw thopimi kini süküsü shi nani, eno panongu no yeqhiyephi pepusü atsala 1,260 kutólo tungkuptsa pi nani.”

Piyeküsü 11:3 Iomraidhean Croise

BOTHUBO 37:34

Tileno Jacob no pa kuuphi süxüve no yeqhiyephi pa chita lo khapuve eno pa nu ghenguno atsala kutomo mloqae.

SAMUEL AKINIU 3:31

Tithiu David no Joab eno khunoqo pa gholo akeno panoqo vilo pi, “Nongu phimini süxü no yeqhiyephi pepusü Abner zülo mlolo.” Akükau David no awophe papesü wuve.

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

KUKAMI AKINIU 19:1

Akükau Hezekiah no ti chilu kemtsa pa mlo ghime lono pa phi süxüve eno yeqhiyephi pepusü Ampeu chineki lo ilove.

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

JOB 16:15

Ni ye kumshophi no I phiküzü shino ayeghimkhu lo ihozü keu no I kumto shi auvae.

LESHELE 69:11

Kughou I no yeqhiyephi pepu keno, panoqo zülo ni ye küghakichepu shive.

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

JEREMIYA 1:10

I no ishi tsala lono o pesü shiye eno kükaqhaqo shou süsüvae, nhüve eno hephove penike, kütsaleve eno haleve penike, shiqhe eno shosü penike süsüvae.”

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

EZEKEL 4:6

Eno kughou nono tipaqo shitaveni keno, no ye akiniu ihozü nani, ikemu tithiu ye o u ajeu küdau, eno Judah laghami ghime xapu lo. I no atsala lhobidi kihithape o tsü ani, ampe lakhikhi ghenguno atsala lakhikhi.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 8:14

Pa no I vilo pi, “Inaqhe avela 2,300 ghenguno ke. Tithiu no akimthe-a ye tipau chipiu-a lo athoputho tsü nani.”

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JONAH 3:5

Nineveh lo timiqo no Alhou pülüve. Panongu no kümvüni ke asheshu, eno akijeu lono akitilau kutolo yeqhiyephi pepuve.

JONAH 3:8

ikemu timi eno tüghashi ghi yeqhiyephi pepuni, eno Alhou lau akumtoshi ighamkuni. Kümtsü no paw küsakügha laghi eno kütsakungo keu lono xaideghi lo.

AKIKIHI 11:26

Panongu gholo mikini, Eldad ngo Medad, ye Aphiki lo wumono aghazü lo ngoa, ikemu aghungu no pama shou akehu pama no aghazü lono tungkupu tsa pia.

MATTHEW 11:21

“Chorazin, o hasapue! Bethsaida, o hasapue! Kughengu nongu lau aküka kumto kümla shikeu hu Tyre ngo Sidon lau shi püaghi keaye, tipaqo ye khaghi no yeqhiyephi pepusü ayevu lo ihino xaideve aghini cheke.

MATTHEW 18:16

Ikemu pa no o tsa ini tsümo aye, o gholo milakhi kini sawulo, tishianguno ngukukile keu kümtsü mikini momu miküthü vecheo thopi shipeni.

Luke 10:13

“Chorazin! O hasapue, Bethsaida! O hasapue. Kughengu nongu lau akumto kümla shikeu huno Tyre ngo Sidon lau shi püaghi keaye, tipaqo ye khaghi no kumshophi ngo ayevu lo ihi xaideve aghini cheke.

Luke 24:48

Nongu no hipaqo vehu lo thopimi ae.

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

John 3:27

John no khochile, “Kungugha lono tsümo kelo milakhi ye thime lakhimu ithumla nani.

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 13:31

eno atsala kutomo khunoqo Galilee lono Jerusalem lo pa gholo ighi keno, panongu lau ipeghi, tipaqo no itehi ye timiqo lau paw thopi shi ani.

Apostolmi 2:32

Alhou no Jisü hipau xüputhuve, eno ningu kümtsü no tipau thopimi ke.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

2 Kor. 13:1

Hi ghuthu aküthüu ni ye nongu lau cheni. Ngukukile keu kümtsü lo thopimi kini momu küthü no ashepe shitsü masae.

Ephesiami 4:11

Pa no timi khami pesü apostolmi shitsü, khami no tungkupmi, tsavipemi, Pastormi, eno shikükami shitsü,

ZAKINIU 17:6

Thopimi kini momu küthü shepe lono khuu no akipimi shive keno, tipau pithive lo; thopi lakhi vecheo likhino timi pithi moni.

ZAKINIU 19:15

Thopiu lakhi shepe likhi ye pimive keu no kiukiu shi püaghimu luzülae. Akipimi tsükulupu ghenguno akimkheu no thopimi kini momu küthü aghi masae.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 11:2

ikemu achineki khala ye mighi kevino kopheve lo, kughengu ti ye Alhou kümthami shiye lau ikhiphe tsüvae, eno panoqo no aqhi lhobidi kini kutolo Akimthe phughi neda qoda nani.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.

Piyeküsü 12:6

eno atotiu ye atsala 1,260 kutolo yenguyike-a lono tucho peniye Alhou no khile kuto püatsü keno, tilau pove.

Piyeküsü 13:5

Tishino aqheküza eno küthakügha tsa jeli pikulupu kichi pesü tüghashi tsüve, itaghi aqhi lhobidi kini kutolo pa küka peithalu penike azah tsüve.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.