Piyeküsü 11:2 - Sumi Naga CL (Re-edited) Bible (BSI)

² ikemu achineki khala ye mighi kevino kopheve lo, kughengu ti ye Alhou kümthami shiye lau ikhiphe tsüvae, eno panoqo no aqhi lhobidi kini kutolo Akimthe phughi neda qoda nani.

BAIBEL (BSI)

² Ikemu akikhala bochoye mighiju kevilo, kughengu tipaqhaye Alhou yeh kumthamiqo tsuveake, eno panonguno aqhi lhobidi kini ghenguno Akimthe phughi hu nedaqoda nani.

Sümi Tiqhelimi Bible

² Ikemu achineki khalau ye qhivelo; tiye mighi kevilo, kughengu tiye Jewkumomiqo tsüvea ke. Panongu no aqhi 42 kutólo akimthe mishighüna qoda nani.

Piyeküsü 11:2 Iomraidhean Croise

LESHELE 79:1

O Alhou, shiyeqo ye O mheghi lo iloghivae; panongu no O kimthe chineki shipixive tsüae; panongu no Jerusalem kütsavae.

ISAIAH 48:2

Kughengu panongu ye akimthe phughi je lono kucheni, eno Israel Lhou qholo xücheni; Pa je ye aqokitikhi Mpeu.

ISAIAH 5:5

Ikehu I tsailu pesü kiu shini keno I no pini. I no tipau ghutu eno akuptu hexave no ikhiveni, eno tüghashi no mzachuve no nedaqoda pinyive peni.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

AKUMLO 1:10

Liw akughupu thime kümtsü aghümi no süxa luvae; kughengu shiye khipaqo Nono O kukuhomi gholo ilo pemoni keu shi ani keno, tipaqo no akimthe-a lo iloghi keu li no ithuluvae.

EZEKEL 4:6

Eno kughou nono tipaqo shitaveni keno, no ye akiniu ihozü nani, ikemu tithiu ye o u ajeu küdau, eno Judah laghami ghime xapu lo. I no atsala lhobidi kihithape o tsü ani, ampe lakhikhi ghenguno atsala lakhikhi.

EZEKEL 42:20

Pa no ako bidi mighiju. Tipau lo akuptu homxape ae, akushulau auxakuchho 250, eno akijelau auxakuchho 250 ae, tipau no akimthe ngo balha dolo kothape ae.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 7:19

“Tithiu tüghashi abidiu, khikhi kütauqo toimo no shishe akümsapu, ayi hu xapu, alazayi mütsü xapusü tsüqhi, mukhumuno shi kubove tsüno achili aghikeu ye apukhu no qodave ishi akeno, ni ye tipau vehu ithinishi ae,

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 8:10

Tino atsütsü lo aqokitikhi kutolo kije shi ipeghive. Aqokitikhi dolo eno ayepuqo dolo hami ye ayeghi lo vepiqive eno panoqo qodaqhi.

DANIEL 8:13

Tithiu akimtheu no atsa pikeu I no chilu, eno akimtheu lakhiu no I pütsa akeu vilo pi, “Kungunhetsü lono ithulu keu tsalakipe kipti kümllagho, axine no küghüküghaleive tsükeu, eno apukhu no qodaqhi peniye akimthe-a ngo aqokitikhi ikhiphe tsükeu ye ado khitohi ghenguno kea?”

DANIEL 8:14

Pa no I vilo pi, “Inaqhe avela 2,300 ghenguno ke. Tithiu no akimthe-a ye tipau chipiu-a lo athoputho tsü nani.”

AKIKIHI 14:34

Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

MATTHEW 27:53

Jisüw xüchilekulu thiu panongu no akumoki lono ipeghi no akimthe phughi lo ilo eno timi kutomo lau ipeghi piye.

MATTHEW 4:5

Tishino tüghami no akimthe phughi lo pa sawu eno achineki kütsüqa lo ngope

MATTHEW 5:13

“Nongu ye ayeghi lomi miti ke, ikemu amti no aküqhü kühave aye, kishino ti ye qhümzai kithelu peni kea? Ti ye kiumu avehu kühave no ikhipe apukhu no nedave cheni.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

Piyeküsü 11:11

Ikemu atsala küthü tüxa thiu pama lolo Alhou launo ighikeu aküxüpu tuthu ilove no pama ye puthugho luve, eno khunono pama ithulu keno akümsapu kije no pano shou ikughive.

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

Piyeküsü 12:6

eno atotiu ye atsala 1,260 kutolo yenguyike-a lono tucho peniye Alhou no khile kuto püatsü keno, tilau pove.

Piyeküsü 21:10

Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.