Piyeküsü 11:13 - Sumi Naga CL (Re-edited) Bible (BSI)

¹³ Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

BAIBEL (BSI)

¹³ Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

Sümi Tiqhelimi Bible

¹³ Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 11:13 Iomraidhean Croise

BOTHUBO 6:4

Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

John 9:24

Ghuthu akiniu panongu no anhethi iche achekeu kuno pa vilo pi, “Alhou jepipi tsülo. Nino ithi anike timi hipau ye axinemie.”

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

JOSHUA 7:19

Tile Joshua no Achan vilo pi, “I nu, Ampeu Israel Lhou Ampeu juküvüpu shilo eno Pa sheqhelo. Eno I vilo no ye kiu shive akeno pilo; I zülo küsü kevilo.”

Piyeküsü 11:11

Ikemu atsala küthü tüxa thiu pama lolo Alhou launo ighikeu aküxüpu tuthu ilove no pama ye puthugho luve, eno khunono pama ithulu keno akümsapu kije no pano shou ikughive.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

Piyeküsü 19:7

Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 3:4

Tishimu no ye tilau Sardis lo timi aghuloshi khunono aphimini shikitiqe mphi keno khami aphie. Panoqo ye aküzüpu ke ghenguno aphimini kimiye pepusü I gholo cheche nani.

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 8:5

Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.

SAMUEL ATUGHIU 6:5

Tighenguno nongu ye no yeghi kütsave tsükeu, amishe eno aji julhoqo mla masae, eno Israel Lhou jepipi tsülo. Tishiaye Pa no nongu eno no lhouqo ngo no yeghi lono Pa u süchileve nani.