Piyeküsü 11:12 - Sumi Naga CL (Re-edited) Bible (BSI)

¹² Tileno pama no asütsa kuloghi lakhi atsütsü lono pikeu chilu, “Hilau ikughilo.” Pama ghümiqo no ithulu ghi pama ye khüngküsü lono kungugha lo ikuve.

BAIBEL (BSI)

¹² Tileno atsutsu kudauno asutsa kuloghi lakhi pama vilo ishi pikeu pamano chilu, “Hilau ikughivelo.” Pama ghumino juakelauye pamaye khungkusu lono kungughalo ikuve.

Sümi Tiqhelimi Bible

¹² Tisheno kungugha lono asütsa kuloghi lakhi no pama vilo ishi pikeu pama no chilu, “Hila ikughilo.” Eno pama ye khüngküsü lakhi lono kungugha lo ikuve, eno tishi akelo pama ghümiqo ye pama ju ae.

Piyeküsü 11:12 Iomraidhean Croise

KUKAMI AKINIU 2:1

Ampeu no amülhü lono Elijah sasü kungugha lo ikuve niye akelo, Elijah ngo Elisha pama ye Gilgal lono wuche.

KUKAMI AKINIU 2:11

Pama no küptsa cheke lono paikhavi ami khurkulu ngo ami khurshi no pama kije kütüta shivetsü. Eno Elijah ye miyitsü lono kungugha lo ikuve.

KUKAMI AKINIU 2:5

Jericho lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüive lo.”

KUKAMI AKINIU 2:7

Tungkupmi loji pano lhopungu ghi pama papesü kümtsa wuve eno pama no Jordan mkülo puthugho akelo, panongu ghi putou puthugho ae.

LESHELE 112:10

Kixikilami no ti ithulu no amloide ani; pa ye ahu tsüghü no hauve cheni; küsaküghami no lajuqhiyi achekeu ye pühave nani!

LESHELE 15:1

O Ampeu, khuu no O phiki lo ngoluni kea? Khuu no O kimthe toghi lo küghüna luni kea?

LESHELE 24:3

Khuu no Ampeuw naghuto lo ikuluni kea? Khuu no Pa kimthe-a lo puthugho luni kea?

LESHELE 86:17

Nono kimiyetsü akeu michipu I piyelo, tishiaye I mithi chekeqo no ti ithulu no kujove nani kughengu Ampeu, Nono I kuphu eno I lokughuno tsüke.

IPEKULU 14:25

khurkulu pukhuqo mevetsü kehu panongu ye sawu mlave. Eno Egyptmi no pi, “Ningu Israelmi zülono poveni nolo, kughengu Ampeu no panoqo züqhushi Egyptmi mjochile anie.”

ISAIAH 14:13

O mlo lono nono piae, ‘Ni ye kungugha lo Alhou yepuqo shou ikuno akiqhe-a lo I küka lakhü ghoni; ni ye ahuu alhouqo no kuho kumqo chekeu naghuto lo iku iqani;

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 60:8

Khüngküsü toi yewu akeu hipaqo ye khuno kea? Amiqhi no alashe lo aketoi hipaqo ye khuno kea?

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

Luke 16:23

pa no amiyizü lo ighono kushuküqha shi ime akelo pa gi peqhepe jukelo Abraham ngo pa phivilo Lazarus putou ngo aghi keu ithulu.

Apostolmi 1:9

Pa no hipaqo pive kethiu, panongu zülono pa ye kunguu saikuve eno khüngküsü no panoqo nhethe lono pa sawuve.

1 Thes. 4:17

Tileno ningu xüakemi ye amülhü lono Ampeu sasü kushoni ke panongu gholono kümtsa khüngküsü lo sünhe saikuve nani, eno ningu ye pülhapuju Ampeu gholo acheuve nani.

Piyeküsü 12:5

Li no kiptimi punuve, anu khuu ayiküsü pesü shiye kümtsü shou ayepeni keu lo akeno pa huke. Ikemu anu huye Alhou eno Pa kükalakhü-a lo mxape ikuve,

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”