Piyeküsü 10:6 - Sumi Naga CL (Re-edited) Bible (BSI)

⁶ eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,

BAIBEL (BSI)

⁶ eno kungugha, ayeghi, azughi eno tipaqolo akeu jeli kumtsu lhophekeu Alhou, khuuno alhokupujulo xu acheni keno paje lono tushoqhighi ishipi, “Hinguno hilau munuvepemo nani.

Sümi Tiqhelimi Bible

⁶ Eno kungumi hu no, kungugha, ayeghi eno azüghi eno tipaqo lo akeu jeli kümtsü lhosü keu alhokupuju lono alhokupuju kutólo xüache keu Alhou je pesü ashoqhi shi no ishi pi, “Hinguno hilau ye munuve pemo nani!

Piyeküsü 10:6 Iomraidhean Croise

BOTHUBO 14:22

Ikemu Abram no Sodom kükau vilo pi, “Ampeu, Shishe Akiqheu Lhou, atsütsü eno ayeghi pighiu lau I no I u peqhevae,

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

EZEKEL 20:5

eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

AKIKIHI 14:30

I no nongu pelo khile küghüna penike tushoqhi keno, tipau yeghi lo Jephunneh nu Caleb ngo Nun nu Joshua pama kumo aye khunomu ilolu moae.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Piyeküsü 12:12

Tighenguno alovilo, O nongu kungugha lo akeqo! Ikemu nongu ayeghi lo eno azüghi lo akeqo hasapuae, kughengu tüghami ye pa do ikhonheive keu ithi no shishe axuidesü nongu lau iqivae!”

Piyeküsü 16:17

Kungumi akütsüniu no pa bohu pesü amülhü lo leqhi, ikelo achineki lo kükalakhü lono asütsa kuloghi lakhi ishi ipeghi, “Hi no kishekhavae!”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 4:9

Kugho kughomu aküxüküa lhoxüqo no ajuküvü, agigihu eno shikimthi keu pesü Khuu kükalakhü lo iqa no pülhapuju eno alholo xüacheni keno, Pa tsü kelo,

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.