Piyeküsü 10:1 - Sumi Naga CL (Re-edited) Bible (BSI)

¹ Tileno I no kungumi kughushu kütau lakhi kungugha lono milisü no pa kütsü shou vehope khüngküsü no küzüpe iqi cheghi keu ithulu, pa gi ye khetsünhe toi eno pa pukhu no ami tsükucho toike.

BAIBEL (BSI)

¹ Tileno kungumi akumto lakhi kungugha kudauno iqicheghi. Paye khungkusu lono kuzupe eno milisu lakhino pa kutsu vehope ae; pa giye tsukinhe toi eno pa pukhuye ami tsukucho toi.

Sümi Tiqhelimi Bible

¹ Tipathiu kungumi akumto lakhi kungugha lono iqi chekeu I no ithulu. Pa ye khüngküsü no küzüpe ae eno milisü no pa kütsü sholo ae; pa gi ye khetsünhe toi, eno pa pukhu ye ami tsükuchoqo toi ke.

Piyeküsü 10:1 Iomraidhean Croise

LESHELE 104:3

Pa no azü lo Pa chebo tsükucho ghope qhi; Pa no khüngküsü pesü Paw khurkulu shi; Pa no amülhü chishibo shou iqa no chewu,

LESHELE 97:2

Khüngküsü eno aküzü kutho no Pa vehomxape ani; amikucho eno kuchou xakütha no Pa yekipe boqhae.

IPEKULU 16:10

Aaron no Israelmi qoaho kümtsü pütsa khavi, panongu no asayeqha küdau jupuwu, eno julo, khüngküsü lono Ampeu juküvü ipeghi.

ALE KIMCHI 5:15

Pa pukhu ye ameshoyi shou alabaster tsükucho ghopüa keshie. Pa koghe ye Lebanon lo cedar kighiche toike.

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

ISAIAH 54:9

“I ghengu ye, hi ye Noah ghuloki lo toi anie: I no Noah züqo toikeu pelo khilemu ayeghi yimi keu shipe moae ipi ashoqhi shive ke, tihutoi ni ye nongu shou amlo idemo eno nongu lomipimo kepi tushoqhi ani.

AKUMLO 3:44

khüngküsü no No ampi küzüpho luve, tishianguno kiu kighini mu shoxü mlave.

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

DANIEL 10:6

Pa phiau ye beryl tu toi, pa gi ye tsütsüpha küvü toi, pa nhethi no akulu miküqü toi, pa u mlo ngo apukhu no alazayi thakimtheve keu toi, eno pa tsa no aqokitikhi ghügha toike.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

Apostolmi 26:13

O akükau, puchomghü lo ala lo chekelo atsütsü lono aküvü lakhi I no ithulu, ti ye khetsünhe küvü nguno vüqai, eno tino ni eno I gholo chekeqo süho luve.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

Piyeküsü 18:21

Tileno kungumi kumto lakhi no atuqu kuloghi lakhi athi kütsüghü tuqu toike ikhipe azüghi lo vesüve no pi, “Akiqheu mishighüna Babylon ghi hitoi ngukangugha shi kütsakungove no khilemu ithulu kithe move nani;

Piyeküsü 20:1

Tithiu itaghi kungumi lakhi no pa u lo akuthoku khaqhiyi eno ayikichhe shishoi keu pesü kungugha lono iqi cheghi keu I no ithulu.

Piyeküsü 4:3

Khuu no tile iqa akeno Pa gi ye amekusho tu jasper eno carnelian toi, eno kükalakhü vehomxa pe akeu milisü huno emerald jukimihi shiae.

Piyeküsü 5:2

Kungumi kumto lakhi no asütsa kuloghi lono ishi asheshu aghi keu I no ithulu, “Khuu no michida lhave no liküküzü kaku xükho küzü kea?”

Piyeküsü 8:13

Tishino I no jukelo kunguu atsütsü lo alhuqu lakhi yecheghi no vekipighi igha keu chilu, “Kughou kungumi küthü huno afuko kütau kutope akeu küighani keno, ayeghi lo xüküami ye ahasapue, ahasapue, ahasapue!”