Piyeküsü 1:8 - Sumi Naga CL (Re-edited) Bible (BSI)

⁸ “Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

BAIBEL (BSI)

⁸ “Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Sümi Tiqhelimi Bible

⁸ “Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

Piyeküsü 1:8 Iomraidhean Croise

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 28:3

Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

BOTHUBO 48:3

Eno Jacob no Joseph vilo pi, “Akughushu Lhou no Canaan yeghi, Luz lono I lau ipeghi no I kümghatsüe,

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

IPEKULU 3:14

Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

AKIKIHI 24:4

Alhou tsa chikuluu no pikeu tsa, pa no Akughushuuw kungunhetsü anhethi süküqü mono ithulue:

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 11:17

pi, “Ampeu Alhou akughushuu, Khuu acheni eno acheghi keno, Nino O shikimthi ani, kughengu Nono O küka kije ikhiluve no ayepe thuvae.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 16:14

Kughengu hipaqo ye tüghaküsa ghawu, amchipu kümla ghi shiche keqoe, hipaqo no Alhou Akughushuu tsala kije lo aghü küpüghüni ke ghenguno akuaqha kümtsü lo kükami akeqo hekütsü süghi niye wuve.

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”

Piyeküsü 4:8

Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”