Piyeküsü 1:7 - Sumi Naga CL (Re-edited) Bible (BSI)

⁷ Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

BAIBEL (BSI)

⁷ Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

Sümi Tiqhelimi Bible

⁷ “Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 1:7 Iomraidhean Croise

JOB 33:26

tile timi huno Alhou lau inikhu kelo Pa no ikhilu tsücheni; pa no Alhou gi ithulupe alovi igha cheni, eno Alhou no pa chipiu pesü tsüchile cheni.

LESHELE 22:16

Kughengu atsüqo no I sühope ani; küsakügha kümlami loji no I botha luvae; panongu no I u eno I pukhu qhuqhive tsüae—

LESHELE 68:1

Alhou no ithughi nani, Pa ghümi kuthole nani; khunono Pa mithi cheni keno Pa zülono pove nani!

LESHELE 97:2

Khüngküsü eno aküzü kutho no Pa vehomxape ani; amikucho eno kuchou xakütha no Pa yekipe boqhae.

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

ZEKHARIA 12:11

Tipa tsalani Jerusalem lo akumlo ye Megiddo lo Hadad-rimmon ghenguno mloqa ketoi nani.

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Mark 14:62

Jisü no khochile, “Iyei, eno nongu no Timi Nu Aküka kughushuu u ajeu iqa no kungugha lo khüngküsü lono chekeu ithulu nani.”

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

John 19:34

Ikemu ghüshimi lakhi no angu pesü Jisü jibo lo qhusütsü kemtsa aji ngo azü qoipeghi.

John 19:37

Itaghi Kuchoyesü lakhi lono pi, “Panongu no khuu qhuqhi keno, pa junani.”

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Thes. 4:17

Tileno ningu xüakemi ye amülhü lono Ampeu sasü kushoni ke panongu gholono kümtsa khüngküsü lo sünhe saikuve nani, eno ningu ye pülhapuju Ampeu gholo acheuve nani.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 6:6

kethiu no ikiqiveni keno, panongu ye itaghi pano ghüzave ghi kros lo Alhou Nu yeda kithe no shikukujo ani keke panoqo sasü xaideghi luni keu ye kushokütsüpu ke.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 22:4

Panongu no Pa gi ithulu nani, eno Pa je no panongu kishe lo anani.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.