Piyeküsü 1:17 - Sumi Naga CL (Re-edited) Bible (BSI)

¹⁷ Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

BAIBEL (BSI)

¹⁷ Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Sümi Tiqhelimi Bible

¹⁷ Kughou I no pa ithulu keno ni ye thive kemi toi pa zülo ikiqive. Ikelo pa no pa u ajeu I shou be no ishi pi: “Msà kevilo. Ni ye Abothu eno Ashekha ke.

Piyeküsü 1:17 Iomraidhean Croise

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

LESHELE 139:5

Nono I thiu eno I züu bothasüpe acheni, eno O u no I süshope acheni.

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

AKUMLO 3:57

I no O ku kelo Nono kupunu ighi no pi, ‘Msa kevilo!’

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

DANIEL 10:12

Tileno pa no I vilo pi, “Msa kevilo, Daniel, kughengu nono o mlo tsüqhiyi vethaluni ye pükapütsa keu eno o Lhou zülo aqhokighe shi ighikeu tsala hukuthu lono o tsa chiluve tsüae, eno ni ye o tsa ghenguno ighi anie.

DANIEL 10:15

Kughou pa no hipau kiqi lono I pütsave keno, ni ye ayeghi lo I gi pishiqho luve no inaqhoi ngove.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

MATTHEW 14:27

Ikemu tipa mtsa Jisü no panoqo pütsa no pi, “Nongu mlo mtolo; ni ke msa kevilo.”

MATTHEW 28:4

Ghukhemi no pa msa kelauno khokhoshi eno kithimi toive.

MATTHEW 28:5

Kungumi huno totimiqo vilo pi, “Msa kevilo, kughengu nongu ye kros lo yedave keu Jisü juniye chenie pi I no ithi ani.

John 13:23

Pa khopemi gholo lakhi, khuu Jisü no kimiyeche keno pa ye Jisü phivilo iqa ae,

John 21:20

Peter no ighowo Jisü no kimiye chekeu akhopeu no pama pape cheghi keu ithulu, akhopeu huye aghulhu lo Jisü mungupe ngono, “Ampeu, khuu no o thechu niye ani kea?” ipi ighiju keu ke.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”