Piyeküsü 1:1 - Sumi Naga CL (Re-edited) Bible (BSI)

¹ Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

BAIBEL (BSI)

¹ Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Sümi Tiqhelimi Bible

¹ Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 1:1 Iomraidhean Croise

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

DANIEL 8:16

Eno Ulai zümkü lono timi lakhi sütsa I no chilu, tipau no pi, “Gabriel, timi hipau pelo kungunhetsü vethalu pelo.”

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

John 12:49

Kughengu ni ye I kükagha lono pi püamoe, ikemu Apu I puwu keu no I no pikepu momu pimo kepu za I tsüpüani.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 3:32

Pa no kiu ithulu eno chilu keno tipau thopi shi, ikemu khunomu pa shepe ikhilu tsümoe.

John 8:26

Ni ye nongu ghili pikepu kutomo ani eno küghathabe kepu kutomo ani, ikemu khuu no I puwu keno Pa ye kuchou, eno Pa launo kiu chilu keno tipau pesü I no ayeghiqha lau sheshu cheni.”

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Galatiami 1:12

Kughengu ni ye timi khuu launo mu ti ithuluke kumo, eno I shikake kumoe, ikemu I no ithulu keu ye Jisü Khristo vecheo pephe piye keu lonoke.

Ephesiami 3:3

Alhou no kishi piyeküsü vecheo tuqhou vehu I lau kilethitsü keno ni ye azüu ghi ikhonhei shi yeve ake.

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

Piyeküsü 1:19

Ikehu nono ithuluve keu, ithulu akeu eno hipa thiu shiniye akeu thime jeli kümtsü yelo.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 17:1

Tileno kungumi tsüni khunoqo u lo abohu tsüni akeno tipaqo gholo lakhi no ighi no I vilo pi, “Ighilo, kütüqhaliu khuu aghoki kutomo shou iqa ani keno, li shou küghatha keu I no o piyeni,

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 22:6

Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”

Piyeküsü 22:8

Ni John no thime hipaqo chilu eno ithulue. I no hi kümtsü chilu eno ithulu kelo kungumi khuu no hipaqo pesü I piye keno pa mlla nike pa pukhu philo itsaqi

Piyeküsü 22:9

kemu pa no I vilo pi, “Moe, tishi kevilo! No eno o thiküzümi tungkupmi, eno khunono kaku hipau lo akeu tsaqo pecheni keno, tipaqo gholo nighi aqemi lakhike. Alhou mllalo.”

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

Piyeküsü 5:7

Ambeti no Khuu kükalakhü lo iqa akeno, Pa u ajeu liküküzü kaku akeu ikhiluve.