Philemon 1:21 - Sumi Naga CL (Re-edited) Bible (BSI)

²¹ I no kiu pi ani keno no ye tinguno alau ghi mla nani kepi o ghokulu ithi ghi ni ye o lau ye ani.

BAIBEL (BSI)

²¹ Hi yepuku apulaghi ino ithi anike noye ino kiu piani keno tinguno alau shitsu nani kepi pulu anie.

Sümi Tiqhelimi Bible

²¹ O ghokulu shou pülükibe qhi no, ni ye O lau yè ani, no ye I no khu akeu nguno alau mülà nani kepi pülü ani.

Philemon 1:21 Iomraidhean Croise

Rommi 2:19

momu no ampi no no ye thebei anhethi kighichemi lapiyeu, aküzü lo küami lau aküvü;

2 Kor. 2:3

I no tishi yesü yeve, tishikeu lono kughou I no ighini keno, ni ye I lopivitsü kemi jupe I mloküsapü shimo niye ke, kughengu I lokivi ye nongu lokivi ghi kepi I no mtsüqheino nongu shou pülübelu ani.

2 Kor. 7:16

I no nongu shou qhoi pükhübelu kehu ni ye alovi ani.

2 Kor. 8:22

Pama gholo ni thiküzüu lakhi khuu nino ghuthu kutomo pejuve no amlokütsü shi ithulu keno pa puwu ani, eno itehi pa ye nongu shou pülükibe kije akeu ghenguno alau amlo tsüqhiyi ani.

Galatiami 5:10

Nongu ye kütau kükümsü lumo nani kepi ni ye Ampeu lau pükhükibe ani, khuu khuu shi aghimu nongu pünaqhi akeu ye pa no aghime pumasae.

2 Thes. 3:4

Nino azah nongu tsüke toi nongu ye mla ani eno tishi anani kepi nongu ghenguno Ampeu lau amlo mtotoi ani.