Obadiah 1:20 - Sumi Naga CL (Re-edited) Bible (BSI)

²⁰ Haküghütsüve kemi Israelmi aqokitikhi no Canaanmi yeghi Zarephath kutolo qhasü luve nani, eno Jerusalemmi haküghütsüve kemi Sepharad lo akeqo no Negeb phughiqo qhasü luve nani.

BAIBEL (BSI)

²⁰ Hapupovekemi ghushimi muqono Israil ahuuno ideighi puzu ahuu Zarefat kutolo Fonika yeghi leluve nani. Jerusalem lono hapiye pighive kemi Sardis lo akeqono Juda yeghi apeu taun akeqo khasuno leluve nani.

Obadiah 1:20 Iomraidhean Croise

JEREMIYA 13:19

Negeb mishighünaqo ye khathavae, khaqhini kemi khumu kühae; Judahmi kümtsü haphe sawuvae, qhoi haphe sawuvae.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 33:13

Ato ghakhu lo, Shephelah lo, Negeb lo, Benjamin yeghi lo, Jerusalem hokümxa lo, eno Judah lo mishighünaqo lo ambe lojiqo ye khuu no panongu kihi cheni keno pa u qholo ngolu nani, ipi Ampeu no pi.

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

EZEKEL 36:12

I no timiqo, eno Iw timi Israelmi pelo nongu shouno chewupe nani, nongu ye pano mheghi shive nani, eno nongu tianuli ye khilemu akhüava shipemo nani.

Luke 4:26

Elijah pesü khuu laumu kumono Sidon yeghi lo Zarephath lo totimi achimeu lau puwue.