Obadiah 1:15 - Sumi Naga CL (Re-edited) Bible (BSI)

¹⁵ Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

BAIBEL (BSI)

¹⁵ “Ni, AMPEU no ashiayehqo shou kughathabeni keu tsalaye kupu nuvae. O Edom, nono kiu mla keno tipau oshou mla puku nani. Nono kiu tsupuani keno tipau ithuluchile nani.

Obadiah 1:15 Iomraidhean Croise

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

JOB 24:1

“Kushiye Akughushuu ye küghakütha tsala kuto chemo eno kushiye Pa ithi kemi ye khilemu Pa tsala ithulu chemo kea?

LESHELE 137:8

O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 49:12

Kughengu Ampeu no ishi piani: “Tsala aghime jukhu shoküzüpu kumo keqo no shove cheghi aye, nongu ye ghimeqhi mono puwuve nani keshea? Nongu ye sho masa nani.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 51:56

kughengu ghikiqhiu ye Babylon shou ikughivae; li ghüshimiqo ye leluvae, pano süzüqo hechhe pinyivae, kughengu Ampeu ye lochile chekeu Lhoue, Pa ye mtsüqheino lochile nani.

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

EZEKEL 35:11

tigheno, I no xüake toi, Ampeu Alhou no sheshu, nongu kimthi panoqo shou akeu eno amlokighide ngo anhekushu piye keu kiqi lono I no nongu peitha nani. Kughou I no nongu shou küghathani keno, I no panoqo pelo Ni ithipe nani.

EZEKEL 35:15

Nono Israel kibolomi mheghi shou alovi ke, kughengu ti ye küghüküghaleive ke, ikehu I no o peitha nani; Seir Toghi eno Edom kümtsü küghüküghaleive nani. Tileno panongu no Ni ye Ampeu kepi ithi nani.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

AMUS 5:18

Khunono Ampeu tsala laju cheni keno ahasapue! Kushiye ti kheni kea? Ti ye aküzü thono aküvü kumoe,

AMUS 5:20

Ampeu tsala ye aküzü thono aküvü kumo eno vüqai mono züchiyi kekumo?

MICAH 5:15

I no amlokighide eno aloghu lono agholumo keu shiyeqo shou amkhülu nani.

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.