Obadiah 1:10 - Sumi Naga CL (Re-edited) Bible (BSI)

¹⁰ O thiküzüu Jacob shou kütsakungo ke ghenguno, akukujo no o küzüluve nani, eno pülhapuju ghenguno o sasü ayigheve nani.

BAIBEL (BSI)

¹⁰ “Nonguno nothikuzumi, Jakob laghamiqo pukaqhi eno ghiqhi ke ghenguno, nonguye alhokupujulo akukujopu shi nani eno nongu kutsa- leve nani.

Obadiah 1:10 Iomraidhean Croise

BOTHUBO 27:11

Ikemu Jacob no paza Rebekah vilo pi, “Julo, I mu ye amhi ghoghoi kemi, ikemu ni ye müdüniyi kemie.

BOTHUBO 27:41

Kükümgha khipau pesü Isaac no Jacob kümghatsü keno tipau ghenguno Esau no Jacob mithive, eno Esau no pa ampi vilo pi, “I pu ghenguno mloqa kepu tsala ye kupunu wocheae; tithiu ye I no I thiküzüu Jacob heqhiveni.”

YEKIKITHI AKINIU 28:17

Kughengu Edommi no itaghi Judah leve eno akughumi küghape wuve.

LESHELE 109:29

I ngukube akeqo pelo akukujo pepuve pelo; pano kukujopu no hebephi pepu akeshi pano küzüluve pelo!

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

LESHELE 69:7

Kughengu O je ghenguno ni ye atiche puqhe püani, akukujo no I gi küzü luvae.

LESHELE 89:45

Nono pa lhothe tsala ghitha kughukhove tsüae; eno akukujo pesü pa khonhavae.

AHOLE 10:6

Kükümgha ye amikuchomi kütsü lo acheni ikemu kixikilami milibo qholo heqhi buqhi keu küsüpüa cheni.

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 51:51

‘Ni thogha ke ghenguno ningu ye kujovae; akukujo no ni gi küzü luvae, kughengu inaghami no Ampeu ki alou akimthe-a lo iloghivae.’

AKUMLO 4:21

O Edom limi, khuu Uz yeghi lo ani keno; alovi eno amloqilo; ikemu o lau ghi ajukhu ighi nani; no ye shomzüve no o phikümsa shive nanie.

AKUMLO 4:22

O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

EZEKEL 35:9

I no o pesü alhokupuju küghüve tsü nani, eno ow mishighünaqo lo küghüna move nani. Tileno nongu no Ni ye Ampeu kepi ithi nani.

EZEKEL 7:18

Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

AMUS 1:11

Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

ZAKINIU 23:7

“Edommi jumithi moni, kughengu panongu ye nongu thiküzümi ke. Egyptmi jumithi moni, kughengu ghuthu lakhi lo nongu ye pano yeghi lo kachenami shi acheke.

ZAKINIU 23:8

Tiqheli aküthüu nguno hulauye pano kughukomi ghi Ampeu hoho lo iloghilu nani.