NEHEMIA 9:6 - Sumi Naga CL (Re-edited) Bible (BSI)

⁶ “O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

BAIBEL (BSI)

⁶ Tishieno Israilmino hitoi inikhu: “AMPEU, olikhino AMPEU ke; nono kungugha ngo atsutsulo ayepuqo lhoke. Nono ayeghi ngo azughi eno tipa qolo akeu kumtsu lhoke; nono kumtsu lau akuxupu tsuke. Kungughalo akuka jelino itsaiqi omllake.

NEHEMIA 9:6 Iomraidhean Croise

BOTHUBO 1:1

Abothu lono Alhou no atsütsü ngo ayeghi lhoe.

BOTHUBO 1:9

Tishino Alhou no pi, “Atsütsü qholo azü akeqo a-a lakhi lo hekütsü kumqo luve pelo, eno qhaike yeghi ipeghilu pelo.” Eno titoi ilhouve.

BOTHUBO 2:1

Ikehu atsütsü ngo ayeghi, eno tilehi akeu kümtsü mlaqhive.

BOTHUBO 32:2

Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim kuve tsü.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

LESHELE 102:25

Nono khaghi no ayeghi boqha ghope qhike, eno kungugha ye O u no mla keu ke.

LESHELE 103:21

Ampeuw aqokitikhi kümtsü, Pa qemi khunono Pa pulou shicheni keno, Ampeu sheqhelo!

LESHELE 115:15

Ampeu, atsütsü eno ayeghi pulhoküsüu pelo nongu kümghatsü peniu!

LESHELE 124:8

Khuu no atsütsü ngo ayeghi pulhosü keno ni kukuphu ye Pa je lo anie.

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

LESHELE 24:10

Ajuküvü kükau ye khuu kea? Aqokitikhi Mpeu, Pa ye ajuküvü kükau ke!

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

LESHELE 36:6

O mikucho ye Alhouw naghutoqo toike; Ow küghakütha ye azüghi kutho toike; O Ampeu, Nono timi eno tüghashi xalue.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

ISAIAH 37:16

“O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

EZEKEL 20:11

I no I yezah panoqo tsü no Iw pimheyeqo panongu pelo ithipe, tipau vecheo milakhi no ti papelu aye, pa ye xülu nanie pi ithipe.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”

John 10:30

Ni eno Apu ye lakhie.”

Apostolmi 4:24

Panongu no ti chilu no kümtsa ighamku Alhou vilo pi, “Kümtsü shou Ampeu, khuu atsütsü ngo ayeghi eno azüghi ngo tile akeu kümtsü lhosü keno,

ZAKINIU 10:14

Julo, kungugha eno kungugha akiqheu kutolo eno ayeghi eno tile akeu jeli ghi Ampeuw ke.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 6:4

“O Israel, hi inilo: Ampeu ni Lhou likhi no Alhou ke!

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 1:6

Itaghi, kughou Alhou no ayeghi lo Pa Nu anoghiu puwu keno, Pa no pi, “Alhouw kungumi kümtsü no Pa mllalo.”

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”