NEHEMIA 9:38 - Sumi Naga CL (Re-edited) Bible (BSI)

³⁸ “Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

BAIBEL (BSI)

³⁸ Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

NEHEMIA 9:38 Iomraidhean Croise

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

NEHEMIA 10:1

“Jemchi shikeu ye Hacaliah nu angh Nehemiah, pa shelo Zedekiah,

NEHEMIA 10:29

kümtsü no pano thiküzümi, sakiphemi gholo küqhano müsüini keu shoqhi shike, ti ye Alhou Yezah khikhi Alhou qeu Moses vecheo tsü keno tipau kiqi lono chewuni kehu, eno Ampeu ni Mpeu zakütsü ngo akhuaye kümtsü papeni kehue.

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

MATTHEW 27:66

Ikehu panongu no wuno atupha shou amchipu shive eno aghukheu pesü tile qhive.