NEHEMIA 9:27 - Sumi Naga CL (Re-edited) Bible (BSI)

²⁷ Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

BAIBEL (BSI)

²⁷ Tighenguno nono pano ghumi pelo panongu leluveno pano shou ayeh peuve pe. Panongu ghimelo kuphu lepi ovilo khu, eno nono kungugha lono khochile tsuke. Okikimiye kije lono nono sakiphemi panongu lau tsuke tipaqono aghumi launo panoqo xaphelu.

NEHEMIA 9:27 Iomraidhean Croise

KUKAMI AKINIU 13:5

(Tighenguno Ampeu no Israelmi lau xakuluu puwu, eno panongu no Syriami u lono pokalu no Israelmi ye püzüu toi alokughuno shi xülu.

KUKAMI AKINIU 14:27

Ikemu Ampeu ye Israel je atsütsü lono pühave tsünie pimoe, tighenguno pa no Joash nu Jeroboam u lono xaphe luve.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:39

ikemu nongu ye Ampeu nongu Lhou sümsa lo, tishiaye Pa no aghümi u lono nongu xaphe nani.”

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

NEHEMIA 9:19

Ow kimiyekini shishe kije akeu vecheo, No ye asayeqha lo panongu pheve moe. Khüngküsü tsükucho, puchou pano sasü chekeu no panongu launo kühave moe eno titoi ami tsükucho, putho lo panongu laghi yetsü chekeu hu ghi panongu pheve moe.

LESHELE 136:24

eno ni ghümi launo ni xalue, kughengu Paw iqemokeu kikimiye ye alholo acheni;

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

Obadiah 1:21

Xaluve kemi no Esau Toghi lo ayepe nike Zion Toghi lo iku nani, eno kükaqha ye Ampeuw shive nani.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.