NEHEMIA 9:25 - Sumi Naga CL (Re-edited) Bible (BSI)

²⁵ Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.

BAIBEL (BSI)

²⁵ Owu timiqono aliwo kuptu phughi qo ngo aghuma yeghi eno aki kinikuluno chhitoi akeu, azukikhe chhupua ghive keu, olivsubo, axathibo eno atsayiluqo halelue. Panonguno chunishi ketoi chu puzu aquchhibo chhileilu; nono akivi nhemgha panongu tsukeu pesu alokughuno shilu.

NEHEMIA 9:25 Iomraidhean Croise

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

KUKAMI ATUGHIU 8:66

Atsala akütacheni Solomon no timiqo pütüta kilo puwove, eno panongu no akükau kümgha tsüno Ampeu no Pa qeu David ngo Paw timi Israelmi lau akivi kümla shikeu ghenguno shishe alokivi shi pütüta kilo wove.

NEHEMIA 9:35

Pano kükaqha lou ghi, eno Nono akivi kije pano tsüke ghi, eno kinikülü yeghi kije pano tsüke ghi, panongu ye O qemo momu pano xeküsü kümla lono ideighi moe.

LESHELE 105:44

Eno Pa no shiyeqo yeghi panoqo tsü, eno timiqo ghime xathi panongu pelo luvepe,

LESHELE 65:11

Nono kupukuno shi ampe kupuju kümghatsü; kupukuno shi kehu akhokupu khurkulu yeli qole ke.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

JEREMIYA 2:7

I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.

JEREMIYA 31:14

I no pofushi achinemi ghapiqitsü nani, eno Iw timiqo no I kivi ghenguno aghakiqi shinani, ipi Ampeu no sheshu.”

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

DANIEL 11:24

Ghutu mono pa no kinikülü ghakhu lo ighi nani, eno pa puasü noqo ghi shimo keu pa no shi nani, tinhemgha akivi leluve eno hakholuve keu panoqo dolono kijeluve nani. Pa no sükusho-a leniye kughu nani, ikemu ti ye ado kitila ghengu likhino ke.

HOSIYA 13:6

ikemu kughou panongu no chusholu keno, panongu ye aghakiqi shiluve kehu I kümsümave ke;

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

ZAKINIU 3:5

Mishighüna hi kümtsü aliwo qhemghai, khagho, eno aküptasü kumto akeqo. Tile aphu putu sümo keu ghi kutomo ae.

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.

ZAKINIU 32:14

Atsüaqu kichhizüchi ngo akichhizü tsü, ambeti, Bashan netsü eno ambeti tha tsüe, ashothi akiviu eno atsaithi kivi no mlakeu tsaizü shoke.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.