NEHEMIA 9:23 - Sumi Naga CL (Re-edited) Bible (BSI)

²³ Nono atsütsü lo ayepu jehi, atianuli kutomo pesü panongu tsü, eno pano puasüqo vilo wuno küghüna lo pikeu yeghi lo panongu sailoke.

BAIBEL (BSI)

²³ Atsutsulo ayepu jejehi nono atianuli kutomo pesu panongu tsuke, panongu pelo ayeghi leluve eno kughunaluve pe tipauye nono panongu tsuniepi pano puasu qo lau tushoqhive keuke.

NEHEMIA 9:23 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

YEKIKITHI ATUGHIU 27:23

David no apunu mpe muku qhou ye kihi move, kughengu Ampeu no Israelmi pesü atsütsü lo ayepuqo jehi shitsünie pi piqhi püake.

IPEKULU 1:12

Ikemu panongu no Israelmi ala ghime aye, Israelmi no alaushi kighishe wove eno alaushi inaghau qhawove.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

ZAKINIU 28:62

Inahuu nongu ye atsütsü lo ayepu jehi ikowove kemu aghulo likhive nani, kughengu nongu no Ampeu nongu Lhou gholu moveke.