NEHEMIA 9:10 - Sumi Naga CL (Re-edited) Bible (BSI)

¹⁰ Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

BAIBEL (BSI)

¹⁰ Nono Akukau shou akumzapu kumla mlae, pawu kijemi eno pa yeghilo kuami shou, kughengu panonguno kishishi owu timiqo nedaqoda che keno nono ithie. Nono ishi tsalalo ojekipi aketoi tipa ghuloki loghi nono toluke.

NEHEMIA 9:10 Iomraidhean Croise

NEHEMIA 9:16

“Ikemu panongu eno ni puasüqo no akuchhoma shi pano kütsü kughove eno O zakütsüqo pape move.

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

IPEKULU 3:20

Ikehu I no I u sükho no akümzapu kümla kümtsü shipe Egypt ghadaqhi nani; tithiu no pa no nongu puwu nani.

IPEKULU 5:2

Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.”

IPEKULU 7:1

Ampeu no Moses vilo pi, “Julo, I no o pesü Pharaoh zülo Alhou toi shive tsüae, eno o mu Aaron no ow tungkupu shi nani.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

ISAIAH 42:20

Pa ye thime kutomo ithulu cheni kemu chheju chemoe; pa kini ye xukhope ani kemu chilu chemoe.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 63:14

Pichepighi lhoxüqo no akhila lo iqiche keshi, Ampeu Ghungu no panoqo kulhoqhi tsüe. Ikehu no ye ow timiqo saphe, eno O likhi O juküvü ghenguno tishike.

JEREMIYA 32:20

Nono Egypt yeghi lo amchipu eno akichiqhipu piye, eno ishi kutolo tishi ani, Israel lo eno timi jeli kümtsü gholo ishi ghi O jekipipu shi aphi.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 9:15

Itehi, O Ampeu ni Lhou, Egypt yeghi lono Ow timi saipeghi keu, eno au kughushu pesü No ampi jekipipu shikeu, ishi tsala kutolo nino axine shivae, ningu no küsakügha kümla shivae.

Apostolmi 7:36

Timi hipau no Egypt lono timiqo saipe, eno Egypt lo, Akuhu Züghi lo, eno asayeqha lo ampe lhobidi piqi akümzapu eno amchipu mlae.

Rommi 9:17

Kughengu Kuchoyesü lo Pharaoh vilo ishi pi püani, “I no o süqhe puku keu ye o launo I küka pephe eno ayeghiqha kümtsü lo I je sheshu peni keu kimji lono ke.”

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 7:19

Nongu nhethi no ti pekuju kije ithulu keu, amchipu, akichiqhipu kümla, Pa u küka kumto sükhope Ampeu nongu Lhou no nongu saipeghi keu kümsülu lo. Titoi Ampeu nongu Lhou no nongu no msa akeu shiaye kümtsü lau shitsü nani.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”