NEHEMIA 8:9 - Sumi Naga CL (Re-edited) Bible (BSI)

⁹ Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

BAIBEL (BSI)

⁹ Ayezah lo kiu shilopi puakeno timiqono chilu puzu panongu mlo shishe buvetsu eno panonguye qaithuve. Tileno ahng Nehemia, Ezra achineu eno ayezah kighithimino timi kumtsu vilo pi, “Ishi tsalaye AMPEU oLhou lau akimthe shi keu tsalake, tighenguno nonguye mloqa momu ighaqa kepu kumoe.

NEHEMIA 8:9 Iomraidhean Croise

KUKAMI AKINIU 22:11

Kughou Akükau no Ayezah kaku lo atsaqo hu chilu keno, pa no pa phi süxüve.

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

YEKIKITHI AKINIU 34:19

Kughou akükau no Ayezah tsa chilu keno, pa phi süxüve.

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

YEKIKITHI AKINIU 35:3

Levimi khunono Israelmi shika eno Ampeu lau akimthe shicheni keno, tipaqo vilo pa no pi, “Akimthe puloshoqhi bohu ye David nu Israel kükau Solomon no shikeu kilo qhivelo. Nongu ye abighi lono peche kelau kumoae. Itehi nongu ye Ampeu nongu Lhou eno Paw timi Israelmi huthulo.

EZRA 2:63

Angh no panoqo vilo achinemi lakhi no Urim ngo Thummim sasü kighinikile jumoke kutolo shishe akimthe chuqupu lo küsaje kevilo pive.

EZRA 7:11

Hi ye akükau Artaxerxes no Ezra achineu, ayezah kükütsüu, Ampeu zakütsü eno Israelmi tsükeu yezah ithisheve keu lau yesü yekeu kiyepa ke:

NEHEMIA 10:1

“Jemchi shikeu ye Hacaliah nu angh Nehemiah, pa shelo Zedekiah,

NEHEMIA 12:26

Hipaqo no Jozadak nu Jeshua nu Joiakim ghuloki lo, Nehemiah no angh shiake ghuloki lo, eno Ayezah kiyeu ngo achineu Ezra ghuloki lono ke.

NEHEMIA 7:65

Angh no panongu ye achineu ipeghi no Urim ngo Thummim shimphi kutolo akimthe chuqupu küsaje keu lo kutupo pemoni ke pive.

NEHEMIA 7:70

Ali lo akütsüqo khami no akümla shi akelo qhasü tsü: Angh no ameshoyi ahu 8, chithakhu 50, achinemi phimini 30, eno ghükayi ahu 300 ishi sütsü.

NEHEMIA 8:2

Tighenguno aqhi akütsüniu atsala atüghüni achineu Ezra no Ayezah pesü kiptimi, totimi eno chilu no vethaluni kemi mishi zülo ighi.

YETSAPIU 3:4

qa kepu do, eno nu kepu do; mlo kepu do, eno ilhe kepu do;

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

ACHINE 23:24

“Israelmi pütsa no pilo, Aqhi akütsüniu atsala atüghüu lo akimchi kulhokiqhi tsala pinini, eno ti kümsükulu shi afuko ighani eno akimthe hoho shini.

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 7:9

Ghuthu lakhi lo ni ye Ayezah sümono xüche, ikemu kughou azakütsü ighi keno axine no xüuve eno niu no thive.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 26:14

I no mloqa akelomu ni ye chighi saje chumoe, I no mithe move namu kiumu ikhilumoe, momu tipau lono ikhipe kithimi lau akümllagho tsümoe. Ni ye Ampeu I Lhou gholu eno Nono azah tsükeu kiqi lono thokha shivae.

James 4:9

Amlo küghütashi mloqa ighamku lo. Nongu kunu pesü akumlo shivelo eno alokivi pesü alomtshüve lo.